E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Edhe 1000 vite të kalojnë krimet e Enver Hoxhës nuk do të harrohen?!

11 Prill 2025, 13:46, Opinione Besim Ndregjoni

Edhe 1000 vite të kalojnë krimet e Enver Hoxhës nuk do të

Sot mbushen 40 vite që “Hitleri” i pasluftës së dytë botërore, Enver Hoxha, cofi me 11 prill 1985! Shqipëria ishte katandisur në një pronvicë të Europës, ku mohohej besimi në Zot, ku mohohej mendimi ndryshe, ku mohohej dija.

Ku zhvillohej lufta e klasave si në mesjetë. Ku mijëra shqiptarë dergjeshin në kampe përqendrimi duke u mbijetuar vuajtjeve dhe masakrave antinjerëzore! Mijëra shqiptarë pushkatoheshin pa faj! Mijëra familje persekutoheshin pa faj vetëm se nuk ishin komunistë. Mijëra shqiptarëve u mohohej arsimimi!

Bilanci i humbjeve njerëzore mbasi cofi krimineli ishte mbi 6000 të pushkatuar pa faj - sot mbas 35 viteve pa varr!

-36.000 të burgosur politikë - sot pa asnjë shpresë për shtet të së drejtës.

-60.000 familje me pleq, fëmijë, gra, shumica nga veriu i Shqipërisë, të internuar në kampet fatkeqe të Tepelenës, Lushnjës, Portopalermos. Sot të degdisur nëpër botë si emigrantë!

- 100.000 familje të shpallura “kulake” dhe të deklasuara sot pa asnjë shpresë për të ardhmen e vendit!

-35 vite tranzicion që ideologjia e tij vepron në këtë tranzicion si batica-zbatica dhe nuk lejon shtetin e së drejtës!

Në gjyqin e Nurembergut, bashkëpunëtori i ngushtë i Hitlerit kur u pyet për kampet shfarosëse të ndërtuara nga nazizmi që ai kishte ndërtuar, ai u përgjigj: Jo nuk kam ndërtuar kampe ato i ndërtoi Adolf Hitleri, por nuk mund ta mohoj për krimet që u kryen ku pjesëmarrës isha edhe unë, dhe përgjigja ime është po!

Edhe 1000 vite do të kalojnë këto krime do të rëndojnë mbi Gjermaninë.

Dhe pas këtij postulati unë dëshmitari i asaj asaj tragjedie u deklaroj politikanëve shqiptarë sot në 40-vjetorin e cofjes së kriminelit Enver Hoxha, se sado koha kalon dhe ju në heshtje imitoni Hitlerin shqiptar Shqipëria do të turpërohet për këtë Hitler, por krimet e tij nuk do të harrohen edhe 1000 vite të tjera për shqiptarët./ CNA