Propaganda e Zdrromsit nga Burgu i Durrësit

6 Prill 2025, 16:58, Opinione Andrea Bregu

Zdrromsi paska folur për Qytetin Studenti duke u mburrur se sipas tij qenka bërë punë e jashtëzakonshme me godinat dhe me hapësirat e zëna nga ndërtimet pa leje sipas tij.

Zdrromsi që është mashtruesi më i madh patologjik që ka parë politika 34-vjeçare, mburret me vjedhjet që ai dhe njerëzit e tij kanë bërë prej një dekade në Qytetin Studenti.

Vetëm në Qytetin Studenti Zdrromsi dhe njerëzit e tij si Anila Shehu kanë vjedhur dhjetëra miliona euro dhe këtu nuk bëhet fjalë vetëm për fondet publike të taksapaguesve Shqiptarë por edhe atyre Gjermanë, të Bashkimit Europian dhe të Turqisë.
Që të bëjmë pak bilancin e çështjeve që Veliaj ka vetëm në 2 vite e gjysëm që unë dhe aktivisti Aurel Kujtimi kemi në SPAK dhe Gjykata:
- Në vitin 2023: Godina 6 me fondet publike dhe të Turqisë, vjedhja ka kushtuar 1 milionë euro dhe burri i Ermonela Felajt, Bledar Valikaj në Prokurorinë e Tiranës ka ankimuar vendimin e Gjykatës Penale të Rrethit Gjyqësor Tiranë me gjyqtare Vjollca Spahiun për vazhdimin e hetimeve. Çështja aktualisht është në Gjykatën e Apelit që prej muajit Dhjetor të 2023 dhe nuk dihet se kur do të zhvillohet seanca e parë në Apel.
- Në vitin 2024: Godina 11-12 me fondet publike, vjedhja ka kushtuar rreth 2.3 milionë euro dhe çështja është nën hetim ende nga Prokuroria e Tiranës me Prokurore Anisa Qilimi. Veliaj dhe Shehu janë kapur me presh në duar edhe nga Raporti i KLSH në 2019 me falsifikime dhe Shpërdorim Detyre ku kompania që e ka marrë tenderin është ED Konstruksion me aksioner dhe ortak të vetëm Alfred Ibrahimin.
- Në vitin 2025: Godina 19 me fondet publike, vjedhja ka kushtuar 3 milionë euro për një godinë që nuk ekziston ku godina në fjalë duhej të përfundonte në fillim të vitit 2023, kjo godinë është një aferë korruptive e njëjtë me Inceneratorin që nuk ekziston dhe kompania që e ka marrë përsipër është R&T sh.p.k me aksioner dhe ortak të vetëm Renis Tërshana. Veliaj ka vënë si prestanome Arbjan Maznikun për të firmosur në emër të tij në kohën kur Mazniku qe Nën-kryetar i Bashkisë Tiranë dhe gjithashtu edhe Taulant Tushen dhe fuksionarë të tjerë në Bashkinë Tiranë që janë marrë me proçedurat fiktive. Çështja është nën hetim nga SPAK dhe është duke mbushur muaji që e kemi dërguar në SPAK.
Kështu o Zdrroms, do apo nuk do këto janë fakte dhe ti nuk do bësh vetëm burg për të mbathurat e Ajolës, por për dhjetrëra miliona euro që ke vjedhur vetëm në Qytetin Studenti dhe vetëm sapo kemi filluar ti nxjerrim petët lakrorit, TY dhe bashkëpunëtorëve të tu, më saktë ish-bashkëpunëtorëve të tu se këta tani janë nën urdhërin e Ramës duke vazhduar vjedhjet për llogari të atij që ti deshe ti marrësh partinë./ CNA