E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Përse 10 ditët e fundit përpara zgjedhjeve janë përfundimtare në përcaktimin e votës?

21 Prill 2025, 10:18, Opinione Ardi Stefa

Përse 10 ditët e fundit përpara zgjedhjeve janë

Rezultatin e zgjedhjeve të 11 majit e di i madh dhe i vogël, vetëm militarët nuk duan ta pranojnë. Zgjedhjet e 11 majit i fiton PS-ja. Çështja është nëse parlamenti do të ketë konfigurim për të rrëzuar pushtetin e Edi Ramës në të ardhmen apo do të kemi një konfigurim që Rama të garantojë dhe mandatin e pestë.

Normalisht të gjithë votuesit në Shqipëri e kanë të qartë se cilën forcë politike do të votojnë, por gjithmonë 10 ditët e fundit janë përcaktuese, sidomos për PS dhe PD, më saktë, të gjithë opozitën e fragmentarizuar.

Aktualisht Shqipëria është pothuajse në finish të zgjedhjeve, dhe, megjithëse të gjitha sondazhet nxjerrin fituese PS-në, askush nuk është i qartë se cila do të jetë shpërndarja e mandateve.

Rama ka deklaruar se PS do të fitojë bindshëm dhe e vetme, duke kërcënuar PD-në se do të ketë një rezultat të ngjashëm me 1997, por llogarinë përfundimtare do ta bëjë në Kuç.

PD deklaron se do të fitojë, por deri tani 'asi nën mëngë' ka qenë LaCivita, i cili ka deklaruar që nuk përfaqëson qeverinë e SHBA-së, por është një kontraktor privat. Entuziazmi i parë te demokratët ka rënë, sepse përveç disa fjalimeve pak sekondëshe të përgtitura në zyrat e shtypit të PD dhe një kapejeje me numrin një që mban Berisha “strategu” asgjë të re nuk ka sjellë.

Askush nuk mund të thotë me siguri se sa mandate do të marrin partitë e reja dhe si do të jetë shpërndarja e ulëseve në parlament, por gjasat janë që përqindjet e partive të reja të tkurren deri në fund.

Dhe kjo për faktin që këto parti do të jenë në presion të vazhdueshëm, presion, jo vetëm nga partitë e vjetra, por edhe investimin e tyre te trysnia psikologjike e elektoratit. Duket sikur trysnia ndaj partive të vogla favorizon PD-në, por një gjë e tillë nuk është aspak e vërtetë. Trysnia ndaj partive të reja vetëm sa sjell demoralizimin e gjithë elektoratit opozitar, duke bërë që ditën e zgjedhjeve të mos dalin për të votuar pasi do të binden se nuk ka më shpresë për ndryshim dhe rotacion politik.

Pikërisht, te 'vrasja' e shpresës së elektoratit, qëndron investimi i partive të vjetra, për ruajtjen e establishmentit 35-vjeçar dhe mbijetesën e tyre.

Prandaj 10 ditët e fundit do të na japin tablonë e qartë e përfundimtare të fitores së njërës palë dhe humbjes së të tjerave në 11 maj.../ CNA