E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Braçe në versionin Vërsëllonja

27 Prill 2025, 14:02, Opinione CNA

Ka një kandidat që banorët e Tiranës po e shohin shpesh e me shpesh rrugëve që filmon veten me celular dhe flet fuke ecur.
Flet, bërtet e zihet askush s'e kupton se me kë.

Diku del që në 7 të mengjesit duke folur me vete e duke filmuar gratë e botës që shkojnë në punë dhe videon e shoqëron me një tekst si të gërmuar mes reportazheve të Fahri Balliut të kohës së parë.

Diku flet për gratë punëtorë e duararta që pasi punojnë në punë shkojnë dhe bëjnë edhe punë shtëpie, teksa filmon një tufë me femra që thjesht po kalojnë aty pa e ditur se janë bërë objekt elektoral i reportazhit të Braçes.

Nuk i kthen njeri përgjigje e as i flet ndokush. Ai thjesht ecën rrugve duke u ankuar e bertitur diku për një kazan plehrash të pazbrazur, diku për inerte të lëna anash një trotuari. Bërtet, kap kokën me duar, vajton pse e larguan nga shalqinjt e tij të prodhimit për Danimarkë, nxjerr letra dhe i lexon, ankohet, pickon veten pastaj ikën.
Teatri mbaron!

Dikur filmoi veten edhe me brekë sporti duke bërë ecje nga liqeni artificial.
As andej nuk i fliste njeri, por ai, kameraman i vetvetes, njoftonte që më në fund kish gjetur kohën per pak qetësi dhe stërvitje. E ndërkohë i prishte qetësinë vetes duke folur e rregjistruar me celular.
Si Braçja nuk ka të ngjashëm në atë që ka mbetur nga politika. Nuk ka të tjerë që rrinë e bërtasin gjithë ditën kot sa për të dhënë sinjalin se janë ende vërdallë. E që as nuk merziten kur të tjeret nuk i dëgjojnë. Braçja thjesht ndryshon vend e nis te bërtasë diku gjetkë.

Tek piramida për shembull! Nga ku njoftonte që ishin me qindra emigrantët që e kishin votuar se i kishin shkruar në telefon që t'ja thonin këtë. Por ky nuk i falënderonte dot një nga një në telefon duke ju përgjigjur secilit prej tyre ama. Ky u përgjigjej duke i bërtitur githë dynjasë nga sheshi i piramidës.

Duke i kërkuar ndjesë aktorit të ri korçar të personazhit "Vërsëllonja", po i lejojmë vetes të supozojmë që frymëzimi për atë personazh ka ardhur nga personazhi Braçe.
Ky është ai rasti kur realiteti kapërcen artin./ CNA