E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

PD kontratë lobimi me kompani amerikane/ SPAK nis verifikimin

27 Prill 2025, 15:21, Aktualitet CNA

Prokuroria e Posaçme Antikorrupsion ka njoftuar se ka nisur verifikimin për një kontratë lobimi të nënshkruar nga Partia Demokratike.

“Ju informojmë se Prokuroria e Posaçme ka filluar verifikimet në lidhje me kontratën e lobimit të Partisë Demokratike”, thuhet në njoftimin e zyrës së shtypit të SPAK.

Ky njoftim vjen pasi një ditë më parë në disa media qarkulloi lajmi se PD kishte nënshkruar një kontratë lobimi prej 6 milionë dollarësh.

Në një deklaratë, ditën e djeshme PD bëri me dije se kjo shumë po paguhet 100% nga patriotë shqiptarë që jetojnë dhe punojnë prej dekadash në SHBA.

“Në lidhje mbi një informacion të shperndarë në media për lobimin e PD pranë Qeverisë dhe Kongresit të SHBA dëshirojmë të sqarojmë sa vijon:

Komuniteti shqiptaro amerikan përmes fondacionit “Make Albania Great Again” ka kontraktuar kompaninë “Continental” për të ndihmuar në konsolidimin e marrëdhënieve miqësore të Partisë Demokratike si forca më e madhe opozitare me Kongresin dhe Qeverinë e SHBA. Synimi i bashkëatdhetarëve tanë në SHBA është bashkëpunimi i PD me aleatin kryesor të Shqipërisë për të rivendosur demokracinë funksionale dhe shtetin e të drejtës në Shqipëri.

Kompania “Continental” drejtohet nga Ambasadori Carlos Trujillo i cili njihet gjithashtu dhe si avokat i Presidentit Trump dhe si antikomunist i palëkundur në qëndrimet e tij!

Kontributi financiar për realizimin e këtij qëllimi është marrë përsipër 100% nga patriotë shqiptarë që jetojnë dhe punojnë prej dekadash në SHBA si dhe demokratë të tjerë të larguar nga Shqipëria këto 10 vite për shkak të regjimit të Edi Ramës!

Partia Demokratike duke falenderuar demokratët antikomuniste të komunitetit shqiptaro - amerikan për bujarinë dhe e patriotizmin e tyre sqaron opinionin publik se ndonëse ka dhënë dakordësinë për marrjen e këtij shërbimi në përputhje të plotë me ligjet e të dy vendeve, nuk ka asnjë barrë financiare apo detyrim kontraktual që lind nga kjo marrëveshje”, u tha në deklaratën e djeshme./ CNA