web counter
LEXO PA REKLAMA!

SHKARKO APP

App Store
Google Play

Skandali i radhës/ Qumështi me toksinë kancerogjene është konsumuar në Vlorë

26 Prill 2025, 13:11, Aktualitet CNA

Skandali i radhës/ Qumështi me toksinë kancerogjene

Pas skandalit me mishin e pulës me salmonelë dhe luleshtrydheve me pesticide që janë tregtuar në Shqipëri, së fundi konfirmohet se qytetarët kanë konsumuar qumësht me aflatoksinë.

Në Vlorë ka qarkulluar një sasi qumështi dhe nënprodukte të tij të ndotura me aflatoksinë M1, një toksinë kancerogjene dhe shumë e rrezikshme për shëndetin e njeriut. Prezenca e qumështit kancerogjen në Vlorë konfirmohet nga Agjencia Kombëtare e Ushqimit, raporton "A2 CNN".

Pas mostrave të qumështit të analizuara është zbuluar dhe prania e aflatoksinës në këtë produkt.

Nga 26 mostra të marra nga janari deri në prill 2025, 10 prej tyre kanë rezultuar pozitive dhe sipas specialistëve, gati 40% e qumështit të kontrolluar ishte i kontaminuar mbi normat e sigurisë ushqimore.

Në qytetin e Vlorës janë evidentuar 10 mostra në markete dhe supermarketet e qytetit.

Në bazë të analizave të kryera në ISUV disa kampione qumështi kanë rezultuar me praninë e aflatoksinës M1. E pranishme në qumësht, ajo është kancerogjene dhe gjenotoksike, ndërsa rreziku është veçanërisht i lartë për fëmijët dhe konsumatorët e rregullt.

Çfarë është aflatoksina?

Aflatoksina është një toksinë e krijuar nga myku që rritet te drithërat, misri dhe gruri. Kur lopët ushqehen me foragjere të kontaminuara, aflatoksina sekretohet më pas te qumështi që prodhojnë. Konsumimi i qumështit me aflatoksinë ka pasoja të rënda në shëndetin e njeriut. Sipas OBSH-së, aflatoksina është kancerogjene e grupit 1, rrit rrezikun për probleme në mëlçi njëkohësisht edhe të veshkave.





Lajmet e fundit nga