Irfani ta çojë televizionin te pronat e tij

9 Gusht 2025, 14:14, Opinione CNA

Sot policia dhe institucionet kanë ndërhyrë për lirimin e disa ambienteve, të cilat janë pronë shtetërore, që përdoreshin prej vitesh me qira nga Irfan Hysenbelliu, biznesmen e ndërtues dhe që e ka humbur të drejtën e administrimit të tyre dhe mbajtjes me qira me vendimet e të gjitha niveleve të gjykatave.

Ka kërkuar edhe një masë pezullimi, siç e shikoni te ky vendimi KËTU dhe Gjykata e Apelit nuk ia ka dhënë, por ka kërkuar të zbatohet ligji.

Meqenëse Irfan Hysenbelliu po ankohet se i është prerë sinjali televiziv, e vërteta është që nuk ia ka hequr Rama, nuk ia ka hequr qeveria, nuk ia kanë ulur çelësin, por kanë humbur të drejtën për mbajtjen e asaj prone. Atë pronë në përgjegjësi e kanë institucione shtetërore, të cilat do ta marrin në administrim. Në rast se nuk e marrin në administrim pronën, do të thotë që shkelin ligjin dhe duhet të shkojnë përpara drejtësisë.

VKM/ Godina shtetërore e ish-Uzinës së Autotraktorëve do të bëhet fabrikë
9 Gusht, 11:21

Nuk ka pse të shkojnë njerëzit burgjeve apo të mbajnë përgjegjësi penale se Irfani kërkon të mbajë me dhunë një pasuri publike.

Irfan Hysenbelliu është ndërtues, ka me qindra prona të dhëna me qira te të tretë. Mjaftojnë ato prona që jep me qira t’i vërë në dispozicion të televizionit të tij dhe të vazhdojë punën.

Së pari, “News 24” dhe mediat e tjera të tij nuk janë oponente me pushtetin, janë lëpirëse të pushtetit. Lëpirës i Erion Veliajt për shkak të marrëdhënieve me Bashkinë e Tiranës, të lejeve të ndërtimit.

Veliaj falimenton bashkinë dhe shtetin për Irfan Hysenbelliun
6 Korrik, 08:36

Kishte dhe dhëndrin zyrtar të Bashkisë Tiranë, një nga më të rëndësishmit, gjatë kohës që ishte Lulzim Basha. Lëpirës edhe i Lulit.

Irfan Hysenbelliu nuk është një biznesmen që po i shkelen të drejtat, është një biznesmen që ka shumë prona. Me vendim gjykate e ka humbur të drejtën e administrimit të asaj pasurie që është pronë e shtetit dhe administrimin e asaj po e merr shteti për interesat e tij.

Avokatura e Shtetit: Mediat e Irfan Hysenbelliut kanë qëndruar në godina në kundërshtim me ligjin
9 Gusht, 10:10

Irfani të shkojë te pronat e tij, ta vendosë televizionin dhe të vazhdojë punën. Por sërish mos të besojë kush se Irfani do të bëjë opozitë apo do të jetë një media dhe një zë i qytetarëve. Irfani do të vazhdojë të lëpihet si të tjerët, atje ku ka interesat e pushtetit. Do t’i bjerë për inate personale ndonjë zyrtari që s’e dëgjon. Do t’u bjerë drejtorëve të Tatimeve, të cilët i kërkojnë të paguajnë taksat dhe sigurimet shoqërore, që nuk i paguan, por ka me miliona e miliona euro borxhe. Do t’i bjerë ndonjë zyrtari apo ministri që do t’ia prishë qejfin e nuk i jep çfarë do dhe do t’i lëpihet pushtetit siç ka bërë zakonisht dhe asgjë më shumë sesa kaq.

Irfan Hysenbelliu sulmon Tatimet që të mos paguajë taksat dhe detyrimet
4 Prill, 14:31

Tek Irfan Hysenbelliu bën përjashtim vetëm një gazetare, një kolege si Klodiana Lala, e cila shpesh përpiqet të jetë më e pavarur si zë. Sepse vetë media në total është një shërbëtore servile pushteti, që tashmë qeveria nuk e ka shpallur armike, po i ka kërkuar të lirojë ambientet që s’i takojnë me ligj.

Po sulmohet media apo po zbatohet ligji?
9 Gusht, 11:48

Për këtë, personat përgjegjës kanë zbatuar ligjin dhe asgjë më tepër se kaq. Irfani do të vazhdojë të cicërojë, le të shkojë në pronat e tij dhe të vazhdojë muzikën njësoj./CNA