Veliaj falimenton bashkinë dhe shtetin për Irfan Hysenbelliun

6 Korrik 2016, 08:36, Aktualitet CNA

Bashkia e Tiranës mund të ?tërheqë zvarrë? qeverinë, pasi të ketë shkatërruar veten më parë. Kjo nuk është një fjali që vjen si sulm politik ndaj kryebashkiakut të Tiranës apo kryeministrit të vendit, Edi Rama, por një fakt që mbështetet mbi dokumentacionet, vendimet e gjykatave, veprime dhe pasojat që vijnë nga gjithçka thamë më përpara.

Sot, Bashkia e Tiranës pritet të mbledhë këshillin për të dhënë një sipërfaqe prej 10 mijë metër katrorë, biznesmenit dhe botuesit të disa mediave, Irfan Hysenbelliu. Nuk do të kishte asgjë të keqe që një biznesmen të investonte, markata, supermarkete, por këto duhet të jenë ligjore. Nuk mund të jene abuzive me pushtetin në kurriz të ish-pronarëve.

Ndërtimi i një markate, duke anashkaluar ish-pronarët tek njësia administrative 3 dhe 4 po kthehet në një akt të mirëfilltë abuzimi që pasojat mund ta çojnë Bashkinë e Tiranës në një kolaps financiar. Po ndërtohet një objekt ku në një sipërfaqe të caktuar ka pronarë, dhe Bashkia nuk bashkëpunon me këta të fundit por ua jep të tretëve. Ky veprim çon pronarët drejt gjykatës së Strasburgut, e cila në çdo rast do t?ju jepte atyre një dëmshpërblim prej afërsisht 7 milionë euro. Nga ana tjetër, janë të paktën 400 dosje në Strasburg që presin për të njëjtat dhe të tjera arsye të marrin vendime.

Në rast se sot Veliaj i jep Irfan Hysenbelliut truallin me pronarë për të ndërtuar një markatë, duke shmangur këta të fundit, megjithëse kanë ofruar bashkëpunim për bashkinë jo me markatën, por me kopshte e çerdhe, refuzimi i tyre dhe ofrimi i objektit Irfan Hysenbellliut do ti jepte Strasburgut një rast të paprecedentë ku pronarët shpërfillen dhe pronën e ?rrëmben? ?servili? i pushtetit të radhës.

Në rast se Strasburgu jep 7 milionë euro dëmshpërblim për këtë dosje, duke llogaritur edhe 400 dosje të tjera që presin vendimet në këtë gjykatë, mund të jemi përpara një skandali që mund të çojë shtetin në kolaps dhe falimentim. Kjo dosje, mund të jetë një precedent përballë qeverisë, e cila kërkon nga Strasburgu të pezullojë përkohësisht vendimet deri në zgjidhjen e problemit të pronave në vendin ton, pasi kjo çështje, sipas qeverisë shqiptare ka një faturë shumë të lartë financiare dhe kosto të papërballueshme për buxhetin e shteti.

Veprimi i Veliajt kthehet në një akt kriminal për shtetin shqiptar, sepse mund të japë pasoja në Strasburg dhe po u kthye në precedent, 400 dosje, disa prej tyre jo me miliona por me disa dhjetra miliona euro, detyrimet e shtetit shqiptar ndaj ish-pronarëve, kthehen në një faturë financiare minimalisht sa buxheti i plotë i një apo disa viteve.

Rasti i fundit i Veliajt mund të çojë shtetin në faliment dhe kjo vetëm për të pasur në shërbim një botues mediash për ta përdorur në fushata elektorale, për të pasur në shërbim klientelën e saj që opozita e quan oligarki, për të shpërblyer dhe mbajtur pranë mediat e tij, të cilat kërkon ti ketë si marioneta ndaj kundërshtarëve politik. Por, kjo është më e pakta, kjo është ajo që do te ketë Veliaj, pasi pasojat ndaj shqiptarëve dhe ndaj shtetit kanë faturë jo me miliona, por me miliarda. Kjo faturë çon në falimentim jo vetëm Bashkinë e Tiranës, por edhe shtetin shqiptar. Kjo, thjesht dhe vetëm për ti shërbyer një media. Për Veliajn nuk ka më rëndësi shteti, fatura shkaqet pasojat, mjafton ai ti shërbejë klientelës. Kusuret e paguajnë shqiptarët./citynews