Asgjësimi i pushtetit lokal dhe rrëmbimi i ujësjellësve nga Rama!

20 Qershor 2022, 16:58, Opinione Petrit Vasili
Asgjësimi i pushtetit lokal dhe rrëmbimi i ujësjellësve nga
Edi Rama

Qeveria i rrëmben Pushtetit Lokal ujësjellësit dhe i përqendron në duart e saj.

Trajtimi i Pushtetit Lokal si një leckë këpucësh është flagrant.

Qeveria si kryehajdute e certifikuar dhe si një mekanizëm super i korruptuar rrëmben ujësjellësit, që t'i ketë në një dorë dhe të grabisë më kollaj gjithçka.

Reforma territoriale e vitit 2015 u varros përfundimisht dhe u shkel me këmbë.

Pushteti lokal u zhvesh nga funksionet, u atrofizua dhe në të kundërt të decentralizimit ju rrëmbyen edhe ato kompetenca, që kishte.

Kur nuk administron dot as ujin e pijshëm ç’dreq Pushtet Lokal është ky?

Ky Pushtet Lokal është thjesht një shpërndares banal rrogash për militantët e punësuar për t'u lëshuar rrugëve kur ka fushata zgjedhore.

Ky Pushtet Lokal vetëm shton mijëra punësime, shumë më shumë se para reformës së vitit 2015 kur ishin 19 625 të punësuar dhe sot  janë gati dyfishi rreth 35 mijë dhe kjo ushtri të punësuarish nuk administrojnë dot as ujësjellësit e bashkive të tyre.

Pas kaq vitesh në pushtet dështimi total i Ramës dhe rilindjes, ato sot centralizojnë në mënyrë mafioze edhe ujësjellësat duke i vënë vulën hajdutërisë në çdo nivel.

Çdo vend normal shkon drejt decentralizimit si një proces pa kthim dhe në të mirë dhe sa më afër qytetarëve, ndërsa në pushtetin e Ramës ndodh e kundërta.

Qeveria e Ramës, që ka çuar Shqipërinë në vendin e dytë në botë për korrupsionin, bën pre të oreksit të saj të pangopur edhe ujësjellësat.

Përfundimisht Shqipëria nuk ka pushtet lokal.

Këta Kryetarë Bashkie rilindas nëe 60 bashki, që nuk reagojnë kur i poshtërojnë në këtë farë feje, janë thjesht ca lëngaraqë politikë të përdhunuar nga Rama që pranojnë çdo gjë për një copë karrige.

Agjencia e Ujësjellës Kanalizimeve dhe mbeturinave ka bërë tendera për ujësjellës me miliona euro pa i pasur fare paratë në dispozicion.

Nga rreth 60 milionë dollarë fond investimesh që ka pasur për periudhën 2019 – 2021 rilindja në Agjencinë e Ujësjellësve, Kanalizimeve dhe Mbeturinave ka prokuruar më shume se 160 milionë dollarë në 107 procedura tenderash.

Janë të palikuiduara mbi dhjetëra miliona dollarë dhe në tërësinë e tij ky borxh është edhe më i lartë.

Dhjetëra kompani, që kanë fituar tenderat për ujësjellës nëpër Bashkitë e vendit nuk kanë marrë asnjë lek që nga viti 2019.

Nëse kompanitë do të hidhnin në gjyq Bashkitë, që nuk ju kanë dhënë paratë ata do t'i fitonin gjyqet lehtësisht.

Për pasojë do të bllokoheshin nga Përmbarimi llogaritë e Bashkive duke futur në kolaps të gjithë pushtetin vendor.

Kjo Piramidë financiare kriminale është një atentat mafioz shumë i rëndë ndaj interesit publik, financave publike dhe qindra mijëra shqiptarëve taksapagues.

Ndaj SPAK duhet të fillojë urgjent hetimin për këtë skandal kaq të rëndë dhe të dimensioneve kaq të mëdha!

Pushteti Lokal ndjesë pastë na la!!

Kryetarët e Bashkive vegjetojne nëpër zyra të shkelur e përdhunuar nga Rama si të mjerë që janë.

19:24 Opinione Luçiano Boçi

Mashtrim me formulë

Mashtrimin Rama e ka shndërruar në formulë. Madje në F...

10:24 Opinione Mitro Çela

Mëkati i gruas?!

MËKATI i GRUAS?! U ul. E trishtuar. Sy bojqiell. Flok...

10:05 Opinione Ditmir Bushati

Luftë dhe shpresë

“Ukrainasit janë të gatshëm të japin jetën për perspek...

Lajmet e fundit nga