Mashtrim me formulë

18 Qershor 2022, 19:24, Opinione Luçiano Boçi
Mashtrim me formulë
Kryeministri Edi Rama

Mashtrimin Rama e ka shndërruar në formulë. Madje në Formula uno!

Ai ka rishpërndarë dhe njëherë sot premtimin e para një viti, për ndërtimin e autoparkut që do mirëpresë sipas tij Formula Uno-n në Elbasan.

Nuk dihet pse i është rikthyer të njëjtit premtim mashtrues të parazgjedhjeve elektorale të 2021.

Ose kërkon një shmangie të zakonshme vëmendje nga problemet dhe skandalet.

Ose kërkon të mashtrojë përsëri Elbasanin në afrim të zgjedhjeve lokale.

Autoparku sipas projektit do ndërtohet pranë lumit Shkumbin.

Pranë këtij lumi gjallon dhe Inceneratori helmues korruptiv nën sekuestro.

Akoma më tej derdhen mbeturina të një biznesi klientelist të Ramës.

E midis do të mbijë një Autopark fantazist, duke e shndërruar kështu Shkumbinin në lumin më me famë që konkuron dhe lumin Jordan.

Pasi ndërtoi bypassin e autostradës Tiranë- Elbasan, të premtuar disa herë pasi solli ujin 24 orë në Elbasan, të premtuar çdo fushatë, Bashkisë më të varfër, më të helmuar të vendit, tani i ka ngelur vetëm Autoparku.

Ta gëzojmë autoparkun diku aty afër varrezave të qytetit!

p.s Biletat e garës janë shitur të gjitha.

10:24 Opinione Mitro Çela

Mëkati i gruas?!

MËKATI i GRUAS?! U ul. E trishtuar. Sy bojqiell. Flok...

10:05 Opinione Ditmir Bushati

Luftë dhe shpresë

“Ukrainasit janë të gatshëm të japin jetën për perspek...

Lajmet e fundit nga