Lajmet kryesore deri në orën 21:00

CNA publikoi një audioregjistrim ku zonja Evi Kokalari Angelakis flet me gazetarin William Bredderman të “The Daily Beast”, intervistë, e cila është bërë gjatë kohës së një shkrimi në vitin 2023.

Ky audioregjistrim përmbante delirim dhe fshehje të së vërtetës nga ana e Evi Kokalari Angelakis.

Bredderman e ka telefonuar për ta pyetur zonjën Kokalari se me çfarë parash vinte në Tiranë dhe kush e financonte, pyetje të cilat ende sot nuk kanë marrë përgjigje.

Në pjesën e parë të audioregjistrimit dëgjuat dhe kuptuat delirin e këtij individi, që kalon çdo lloj pritshmërie ku thotë se është më e famshme në Shqipëri dhe se ka mbështetje më shumë se Rama dhe Berisha.

Një deklaratë kjo, siç e theksuam, delirante, nga një person si Evi Kokalari Angelakis, që e konsideron veten si shumë të famshme në Shqipëri, ndërkohë që është e kundërta.

Por përtej kësaj, sot do të sjellim audioregjistrimin e dytë të Evi Kokalari Angelakis, e cila thotë gënjeshtra njëra pas tjetrës.

Ajo thotë se nuk ka marrë dhe nuk ka lobuar, por kjo është një gënjeshtër e madhe, pasi ne kemi publikuar me fakte ku Evi Kokalari Angelakis ka pranuar lobimet.

Rastet do të mund t’i lexoni në linqet e mëposhtme.

Sa u përket shpenzimeve dhe udhëtimeve të saj, CNA i është drejtuar me pyetje publike, të cilat edhe sot pasi kanë kaluar disa vite ende nuk kanë marrë përgjigje.

Në këtë audioregjistrim nuk mungojnë as akuzat ndaj CNA-së nga Evi Kokalari Angelakis, e cila gënjen kur thotë se është sulmuar pasi nuk mbështeste zotin Këlliçi.

CNA nuk ka sulmuar, por ka investiguar për të zbuluar të vërtetën dhe i ka qëndruar deri në fund misionit të saj, kauzës me të cilën nisi investigimin, duke kërkuar përgjigje për lobimet dhe shpenzimet e udhëtimeve dhe qëndrimeve të Evi Kokalari Angelakis në Shqipëri.

Cili është burimi i financimit për dhjetëra mijëra dollarë fluturime dhe qëndrime në Tiranë? Cili është burimi i të ardhurave të tyre?

A e financuan njerëzit e Sali Berishës, pra të "non grata"-s, Evi Kokalarin?

Kjo është pyetja që Evi s’i ka dhënë përgjigje. Këtë informacion ka dashur të nxjerrë dhe gazetari amerikan William Bredderman, për të zbuluar kush e ka paguar Evi Kokalarin. Ku i ka gjetur paratë?

Ashtu siç e kemi paralajmëruar edhe më parë, CNA nuk do të ndalet, do të vazhdojmë të publikojmë çdo lloj materiali investigativ që do të sigurojmë duke përfshirë edhe audioregjistrimin e dytë.

Ndiqni audioregjistrimin e dytë të publikuar nga CNA...

Arrestohen 5 shtetas të tjerë në megaoperacionin për goditjen e rrjetit të tregtimit dhe shpërndarjes së lëndëve narkotike duke e çuar totalin në 30. Ka nisur hetimi për një person, 14 janë shpallur në kërkim.

Gjatë këtij operacioni janë sekuestruar sasi lënde narkotike kokainë dhe kanabis, armë zjarri pistoletë dhe kallashnikov, armë gjahu, sasi e konsiderueshme municioni luftarak, peshore elektronike, thika, përforcues grushti, steka duhani të dyshuara të kontrabanduara, laptop, tablet, DVR, targa automjetesh (shqiptare dhe belge), shuma parash në euro, paund, dollar, franga zviceriane dhe 24 celularë.

Mbi të arrestuarit rëndojnë akuzat "Prodhimi dhe shitja e narkortikëve" dhe "Mbajtja pa leje dhe prodhimi i armëve, armëve shpërthyese dhe municionit".

Njoftimi i policisë:

"Finalizohet megaoperacioni “First Day”, goditet rrjeti i shpërndarjes dhe tregtimit të lëndëve narkotike në qarkun Elbasan.

Operacioni i ndjekur me metoda speciale të hetimit prej disa muajsh, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Elbasan.

 

Ekzekutohen 25 masa sigurie "Arrest në burg".

 

Gjatë operacionit arrestohen në flagrancë 5 shtetas të tjerë, si edhe 1 tjetër procedohet penalisht.

 

Sekuestrohen sasi lënde narkotike kokainë dhe kanabis, armë zjarri (pistoletë, kallashnikov), armë gjahu, sasi e konsiderueshme municioni luftarak, peshore, thika, përforcues grushti, steka duhani të dyshuara të kontrabanduara, laptop, tablet, DVR, targa automjetesh (shqiptare dhe belge), shuma parash në euro, paund, dollarë, franga zvicerane, 24 celularë.

 

Strukturat për Hetimin e Krimeve të DVP Elbasan, në bashkëpunim të ngushtë me Prokurorinë, pas një hetimi të thelluar të ndjekur me metoda speciale prej disa muajsh, finalizuan megaoperacionin policor të koduar “First Day”, që kishte në fokus goditjen e personave të përfshirë në shitjen dhe shpërndarjen e lëndëve narkotike, e shtrirë në kohë dhe vënde të ndryshme, kryesisht pranë ambienteve të shkollave, lokaleve dhe më gjerë, në Elbasan, Librazhd, Gramsh, Cërrik, Peqin, Belsh dhe Perrenjas.

 

Në kuadër të këtij operacioni u ekzekutuan masat e sigurisë “Arrest në burg”, për veprën penale "Prodhimi dhe shitja e narkotikëve", për shtetasit: A. B., 42 vjeç, E. S., 48 vjeç, Sh. B., 56 vjeç, A. (A.) B., 52 vjeç, F. Th., 34 vjeç, H. G., 64 vjeç, G. T., 37 vjeç, M. B., 45 vjeç, P. Q., 50 vjeç, S. B., 38 vjeç, D. E., 38 vjeç, M. Q., 38 vjeç, Sh. Sh., 46 vjeç, B. G., 64 vjeç, I. K., 38 vjeç, M. E., 36 vjeç, I. F., 45 vjeç të gjithë banues në Elbasan, K. H., 34 vjeç, A. K., 50 vjeç, banues në Peqin;, I. B., 41 vjeç, K. Ç., 24 vjeç, F. R., 24 vjeç, K. K., 30 vjeç, M. B., 24 vjeç, banues në Librazhd, P. T., 30 vjeç, banues në Prrenjas.

 

Nga hetimi u dokumentua aktiviteti kriminal i këtyre shtetasve, të përfshirë në veprimtari kriminale në fushën e shitjes dhe shpërndarjes së lëndëve narkotike, të cilët vepronin në mënyrë të organizuar në grupe të vogla ose individualisht, në të gjithë qarkun Elbasan.

 

Gjithashtu,

 - u arrestuan në flagrancë shtetasit: J. A., 32 vjeç, për veprën penale "Prodhimi dhe shitja e narkotikëve", A. T., 31 vjeç, për veprat penale "Prodhimi dhe shitja e narkotikëve", "Mbajtja pa leje dhe prodhimi i armëve, armëve shpërthyese dhe municionit", dhe "Ruajtja dhe depozitimi i mallrave kontrabandë", V. D., 36 vjeç, për veprën penale "Prodhimi dhe mbajtja pa leje e armëve të gjuetisë"; N. D., 43 vjeç, për veprën penale "Prodhimi dhe shitja e narkotikëve" dhe L. Xh., 50 vjeç, për veprën penale "Prodhimi dhe shitja e narkotikëve";

-u referuan materialet në Prokurori ku nisi procedimi penal për shtetasin H. D., 57 vjeç.

 

Gjatë këtij operacioni janë sekuestruar sasi lënde narkotike kokainë dhe kanabis, armë zjarri pistoletë dhe kallashnikov, armë gjahu, sasi e konsiderueshme municioni luftarak, peshore elektronike, thika, përforcues grushti, steka duhani të dyshuara të kontrabanduara, laptop, tablet, DVR, targa automjetesh (shqiptare dhe belge), shuma parash në euro, paund, dollar, franga zviceriane dhe 24 celularë.

 

Vijon puna për kapjen e 14 shtetasve të shpallur në kërkim.

 

Vijojnë hetimet për identifikimin dhe ndjekjen penale të çdo individi tjetër të përfshirë në këtë aktivitet kriminal./CNA

 

Asambleja Kombëtare e Francës ka votuar me 364 vota pro dhe 194 kundër për të shkarkuar François Bayrou nga detyra dhe për të rrëzuar qeverinë e tij. 25 deputetë abstenuan.

François Bayrou e quajti votën surprizë të besimit ndaj vetes pas kundërshtimeve të mëdha ndaj planeve të tij buxhetore.

Pas humbjes së votëbesimit kryeministri francez pritet t'i dorëzojë nesër në mëngjes dorëheqjen presidentit Macron./CNA

Mero Baze, foto ilustruese

CNA përmes një sërë materialesh dhe investigimesh ka zbuluar pasuritë e Mero Bazes dhe fëmijëve të tij, Aldion Baze dhe Regon Baze.

Nga apartamentet, hoteli, garazhi, shkollimi, punësimi, CNA i serviri opinionit publik pasuritë marramendëse të Mero Bazes të përfituara duke shërbyer si vegël e pushtetit dhe me strategjinë sulmo, shantazho.

Por ashtu siç e paralajmëruam nuk do të ndalemi në investigimin tonë.

Kështu, sot do të sjellim vilën e Mero Bazes në një nga zonat më të shtrenjta të kryeqytetit.

Vila është me tre kate, ka pishinë dhe parking.

Vila e Mero Bazes te Kodra e Diellit

Në momentin që ne shkuam ta fotografonim pamë një mjet "BMW", me tre teta.

Vila e Mero Bazes te Kodra e Diellit

Vila e Mero Bazes te Kodra e Diellit

Në këtë vilë jeton Aldion Baze, djali i Mero Bazes. Në këtë vilë më parë ka jetuar Mero Baze.

Sot, kjo vilë, vlera e të cilës mund të shkojë deri në 2 milionë euro ndodhet në një nga zonat rezidenciale më të rëndësishme të Tiranës siç është Kodra e Diellit.

CNA po ua sjell pamjet ekskluzive të vilës me tre kate të Mero Bazes në zonën më të shtrenjtë dhe elitare të Tiranës, siç është Kodra e Diellit.

Vila e Mero Bazes te Kodra e Diellit

Vila e Mero Bazes te Kodra e Diellit

Vila e Mero Bazes te Kodra e Diellit

Investigimi do të vijojë deri në zbërthimin dhe zbulimin e çdo pasurie që Mero Baze dhe fëmijët e tij kanë përfituar./ CNA

Gazetarja Klodiana Lala ka zbardhur të tjera detaje në lidhje me masakrën në Shkodër.

Sipas gazetares Klodiana Lala është kryer një kontroll blic nga policia në shtëpinë e motrës së Mustafa Licit në Shkodër, i cili dyshohet se fshihet pas ngjarjes së sotme në Shkodër, ku mbetën të vrarë 2 persona dhe 2 të tjerë të plagosur.

Gazetarja thekson se gjatë kontrollit janë gjetur 4 armë.

Po ashtu thuhet se, Ragip Gila, autori i vrasjeve dyshohet se vepronte për llogari të Lulzim Kullës, dhëndër në familjen Lici.

Gazetarja Klodiana Lala raporton se janë shoqëruar disa persona, mes tyre dhe Barush Bregu./ CNA