Skandalet e Ermal Onuzit në Gardën e Republikës

Të tjera skandale kanë nxjerrë zbuluar drejtorin e Përgjithshëm të Gardës së Republikës së Shqipërisë, Ermal Onuzin, dhe drejtorët e tij L. H. dhe A. S.

CNA ka zbardhur letrën me të cilën efektivët e Gardës u janë drejtuar Kryeministrit të vendit dhe ministrit Ervin Hoxha, ku u tregojnë se si janë zgjedhur pa meritë dhe pa plotësuar asnjë kriter në pozicione të rëndësishme në Gardën e Republikës drejtorët e Ermal Onuzit, të cilët të dehur vendosnin ?fatin? e punonjësve të Gardës së Republikës.

Në letrën e efektivëve të siguruar nga CNA ngrihen dyshime në lidhje me emërimin e tyre në krye të drejtorive të rëndësishme të këtij institucioni si Drejtoria e Planifikimit dhe Koordinimit dhe Drejtoria për Sigurinë e Personaliteteve të Larta Shtetërore në Gardën e Republikës së Shqipërisë.

Pikëpyetjet e drejtuara nga punonjësit e Gardës në letrën e zbardhur nga CNA janë si më poshtë:

?1. Me çfarë konkursi u zgjodh një ish-punonjës i FA, në funksionin më të rëndësishëm të menaxhimit operacional të Gardës (A.S), i cili meritën e vetme që i njeh vetes është (siç shprehet ai), 'kam shok Vinin' (ministrin Ervin Hoxha)?

Në këtë funksion gjithnjë ka qenë një oficer me përvojë disavjeçare në gardë. Në rastin e këtij punonjësi duhet verifikuar edhe e shkuara (ka qenë i hetuar në ushtri për ngacmim seksual).

Ju sigurojmë se çdo punonjës i Gardës me gradën Kryekomisar do ta bënte shumë më mirë detyrën sesa një Major i pompuar, që deklaron nëpër tavolina ku pihet alkool pa fre, se është miku i ministrit aktual dhe shoku i drejtorit të Përgjithshëm, dhe se ju paska ardhur dita ta bëjnë gardën si duan ata.

2. Si mund të shkelet kaq hapur ligji dhe parimi i hierarkisë dhe të jepet grada madhore ?Drejtues i lartë? një punonjësi me gradë ushtarake ?Major? dhe një tjetri me gradë ?Drejtues? në gardë, duke kapërcyer 3 grada?

3. Si u përzgjodh nga jashtë juristi i Gardës, pa konkurrim dhe ju dha grada Nënkomisar?

Nëse do shpallej vendi i lirë, shumë gardistë mund të konkurronin sepse e kanë arsimin juridik.

4. Si u përzgjodh nga jashtë Gardës, drejtori i Shërbimeve Mbështetëse. Pse nuk kishte konkurrim?

5. Si u pranua pa konkurrim një oficer i liruar nga FA, që ka pasur probleme me ligjin dhe është emëruar te standardet profesionale, kur ligji e përcakton saktë procedurën e rekrutimit?

Në fund të kësaj ankese theksohet se metoda e drejtimit të Gardës nuk ndryshon nga ajo e vitit 1997 dhe e vitit që solli turpin në historinë e Gardës, 21 janar 2011.

Ishte pikërisht arroganca e drejtuesve që e çoi Gardën në atë pikë dhe jo paaftësia e gardistëve të thjeshtë?.

Këto janë faktet dhe arsyet skandaloze që çuan Ermal Onuzin drejt dorëheqjes me urdhrin e kryeministrit Edi Rama.

Nga emërimet e paligjshme, alkooli në zyrat e Gardës, keqpërdorimi i postit dhe institucionit, emërimi i drejtorëve, të gjitha këto duket se kanë bërë që Onuzi të dorëhiqet.

Kujtojmë se Ermal Onuzi drejtoi Gardën për rreth 9 muaj. Më 10 shtator 2024, Ermal Onuzi u vendos në krye të Gardës së Republikës dhe përgjatë kësaj periudhe ka pasur shqetësime dhe ankesa për drejtimin e institucionit nga ai./ CNA

Të tjera fakte skandaloze përmban letra e efektivëve të Gardës drejtuar Kryeministrit dhe ministrit të Brendshëm, ku shprehen shqetësime dhe problematika në lidhje me drejtimin e këtij institucioni nga Ermal Onuzi.

Duke nisur nga emërimet pa kriter e mungesa e profesionalizmit, letra e punonjësve zbulon se çfarë ndodh vërtetë në zyrat e Gardës së Republikës.

Në letrën e siguruar nga CNA, letër e cila u drejtohet Ramës dhe Ervin Hoxhës, theksohet një detaj skandaloz se Garda është vendi ku konsumohet masivisht alkool nëpër zyra dhe me gotat përpara bëhet politika e emërimeve, duke filluar nga drejtori i Përgjithshëm e deri te drejtorët e tjerë të institucionit.

“Me keqardhje ju themi se Garda është tani vendi ku konsumohet masivisht alkool nëpër zyra dhe me gotat përpara bëhet politika e emërimeve. Duke filluar nga drejtori i Përgjithshëm dhe beniaminët e tij (drejtori i DPK dhe drejtori i DSPLSH).

Realisht Gardën e drejton një pijanec ordiner si L.H., që është shoku i drejtorit, i cili mbasi pi sa nuk kontrollon veten, del para efektivit me pantallona të lagura dhe thotë, ‘ligjin tani e bëj unë’. Po ju pyesim: Ky është vizioni për Gardën?”, thuhet në letrën e tyre drejtuar Ramës dhe Ervin Hoxhës.

Në letrën e siguruar nga CNA po ashtu zbulohet një tjetër skandal, ku kreu i Gardës dhe drejtorët e tij rreshtojnë efektivët në një lokal në Shkodër dhe më pas gajasen duke i thënë njëri-tjetrit se edhe duke pirë e vënë në rresht Gardën.

Një tjetër shqetësim i punonjësve i paraqitur në letrën e zbardhur nga CNA është se po shkatërrohet karriera e dhjetëra gardistëve dhe po zëvendësohen me ish-ushtarakë, miq të drejtorit, të liruar apo në prag lirimi nga FA, kryesisht për mospërparim në gradë.

VIJON…

Kreu i dorëhequr i Gardës së Republikës, Ermal Onuzi, është përfshirë në skandal.

CNA ka zbuluar letrën e efektivëve të Gardës drejtuar kryeministrit Edi Rama dhe ministrit të Brendshëm, Ervin Hoxha, ku radhiten disa shkelje dhe skandale që kanë përfshirë krerët e drejtorive të rëndësishme të institucionit të Gardës së Republikës, si dhe vetë kreun e Gardës.

Përmes kësaj letre të efektivëve të Gardës, e siguruar nga CNA, Onuzi akuzohet për sjelljen skandaloze, si dhe për emërimet pa konkurrim duke shkelur hapur dhe në mënyrë brutale ligjin dhe rregulloren e gardës.

Punonjësit theksojnë se niveli intelektual i Ermal Onuzit është për të ardhur keq.

Në letrën drejtuar Kryeministrit dhe ministrit të Brendshëm thuhet se merren punonjës pa asnjë lloj trajnimi dhe emërohen në funksione shumë të rëndësishme dhe me impakt në sigurinë e personaliteteve dhe objekteve.

Sipas tyre, për Ermal Onuzin vetëm dy kritere duhen për ata që konkurrojnë në Gardë: të jenë ose nga Kukësi, ose nga Dibra.

Më tej skandali vijon dhe në letrën e siguruar nga CNA nënvizohet se të emëruarit pa meritë shfaqin hapur harbutërinë duke nëpërkëmbur qindra gardistë të ndershëm e që kanë sakrifikuar për Gardën.

Efektivët, në ankesën e tyre drejtuar kryeministrit dhe ministrit, theksojnë se meraku i tyre i vetëm është të marrin dieta dhe të kapardisen në makina se ?u ka ardhur dita?.

Po ashtu, në ankesë thuhet se ?Janë lëvizur nga detyra disa punonjës pa asnjë motiv dhe vendi mbahet bosh derisa ata të shkojnë të takojnë drejtorin e Përgjithshëm dhe rikthehen te vendi ku ishin po qe se ?kanë sjellje të mirë? (vendi mbahet bosh disa ditë)?.

Këto janë vetëm disa nga arsyet, të cilat tregojnë se si Ermal Onuzi ka abuzuar me detyrën e tij duke shkelur rregulloren e Gardës dhe duke kryer emërime pa kriter.

Fakte të tjera skandaloze do të publikohen në vijim që tregojnë se Ermal Onuzi nuk meritonte të qëndronte në detyrën si drejtor i Përgjithshëm i Gardës së Republikës së Shqipërisë dhe largimi i tij nga kreu i Gardës ka qenë i detyruar pas urdhrit të kryeministrit Edi Rama për të mbuluar disa dhjetëra skandale brenda Gardës së Republikës./ CNA

Ermal Onuzi, burimi i fotos: LSA

Një ditë më parë u raportua lajmi se kreu i Gardës së Republikës së Shqipërisë, Ermal Onuzi, ka dhënë dorëheqjen.

CNA ka zbuluar arsyet e dorëheqjes së Ermal Onuzit pas së cilës fshihen skandalet e ndodhura gjatë drejtimit të Gardës nga ai.

Ajo që u raportua si dorëheqje e zakonshme, në fakt, ka qenë një largim i detyruar pas urdhrit të kryeministrit Edi Rama për të mbuluar disa dhjetëra skandale brenda Gardës së Republikës.

CNA ka zbuluar një letër që efektivët e Gardës i kanë dërguar Kryeministrit Edi Rama dhe ministrit të Brendshëm, Ervin Hoxha.

Ata shprehin shqetësime për problematikat e lindura me ardhjen e Ermal Onuzit në krye të Gardës së Republikës.

Onuzi akuzohet për sjelljen skandaloze dhe shkeljen e rregullores së Gardës së Republikës së Shqipërisë.

Në letrën e siguruar nga CNA, drejtuar Kryeministrit Rama dhe ministrit të Brendshëm Hoxha thuhet se komandanti Onuzi dhe drejtorët e tij bënin emërime të paligjshme dhe pa konkurrim duke shkelur në mënyrë brutale ligjin.

Po ashtu theksohet se ka pasur lëvizje të punonjësve pa asnjë motivacion dhe nëpërkëmbje të efektivëve, të cilët keqpërdoreshin nga kreu i Gardës dhe drejtorët e tij.

Dorëheqja e detyruar e komandantit të Gardës erdhi nga ankesat e shumta të efektivëve drejtuar Kryeministrit, se Onuzi abuzonte me detyrën e ngarkuar, si dhe fakte të tjera skandaloze, të cilat do t’i publikojmë në shkrimet në vijim./ CNA

Komandanti i Gardës së Republikës, Ermal Onuzi ka dhënë dorëheqjen.

Onuzi drejtoi Gardën për rreth 9 muaj. Më 10 shtator 2024, Ermal Onuzi u vendos në krye të Gardës së Republikës.

Detyrën e Komandantit të Gardës përkohësisht do ta mbajë një nga nëndrejtorët aktualë. Vijon...