LEXO PA REKLAMA!

SHKARKO APP

Rita Ora, performancë me flamurin serb/ Jam një shqiptare krenare nga Kosova

27 Gusht 2023, 13:18, Lifestyle CNA

Rita Ora, performancë me flamurin serb/ Jam një shqiptare krenare nga

Këngëtarja shqiptare me famë botërore, Rita Ora, ka performuar në Festivalin e të Rinjve në Szeged me flamurin serb.

Në rrjetet sociale po qarkullon një video, ku shfaqet ajo me flamurin serb gjatë festivalit që u mbajt një ditë më parë në Hungari.

Gjatë momentit kur ajo po performonte në publik një person i ka dhënë asaj flamurin në dorë.

Këngëtarja e ka marrë flamurin dhe ka performuar me të.

Në një moment ajo e vendos flamurin në kokë dhe performon me të.

Në një deklaratë për mediat edhe vetë ajo ka përmendur se flamurin ia ka dhënë një fans dhe fillimisht nuk e ka kuptuar se cilit shtet i përkiste. Rita Ora u shpreh se e kuptoi se flamuri ishte serb pasi u largua nga skena.

Rita ka deklaruar se është një shqiptare krenare dhe se qëllimi i saj nuk ka qenë të mos respektojë popullin e saj.

"Mbrëmë gjatë performancës sime në Festivalin SZIN në Hungari, një fans i ri më dha një flamur. Për shkak të dritave të ndezura direkt në sytë e mi dhe në skenë, nuk e pashë qartë flamurin e cilit shtet përfaqësonte. Sapo u largova nga skena, kuptova se ishte flamur serb dhe jo hungarez. 

Ndërsa i vlerësoj të gjithë fansat e mi nga të gjitha vendet dhe kulturat, dua ta bëj shumë të qartë se jam një shqiptare krenare nga Kosova dhe asnjëherë nuk ka qenë qëllimi im të mos respektoj trashëgiminë time apo të shqetësoj popullin tim apo familjen time”, vazhdoi Rita në deklaratën e saj. 

Rita Ora është shpallur Ambasadore Nderi e Republikës së Kosovës në vitin 2015, nga presidentja e atëhershme në detyrë, Atifete Jahjaga.

Vidon e shikoni duke klikuar këtu.

Lajmet e fundit nga