LEXO PA REKLAMA!

SHKARKO APP

E fundit!

x

Çfarë i tërheq mushkonjat te njerëzit?/ Katër gjëra që duhet t’i dini

16 Gusht 2023, 12:12, Lifestyle CNA

Çfarë i tërheq mushkonjat te njerëzit?/ Katër

Çfarë i tërheq mushkonjat te ne? Disa faktorë si dioksidi i karbonit që e nxjerrim përmes frymëmarrjes, stimujt vizualë (ngjyrat si e zeza dhe e kuqja). Ndërsa më nga afër nxehtësia e trupit dhe djersa. Dhe sigurisht aroma jonë: mushkonjat e specializuara në kafshimin e njerëzve, si Aedes aegypti, e njohin me saktësi atë. Karolin Mekbrajd nga Universiteti Prinston ka vënë re se ato e identifikojnë saktë përzierjen e substancave me erë që na karakterizon midis atyre të kafshëve. Në këtë proces, përfshihen 2 qendra nervore (glomeruli) në trurin e tyre.

1. Viruset manipuluese

Disa viruse na bëjnë më tërheqës për mushkonjat. Një studim i fundit, ka vënë se re viruset Zika dhe Dengue, përgjegjëse për sëmundjet me të njëjtin emër, e ndryshojnë aromën e trupit të njerëzve për të tërhequr mushkonjat Aedes. Shkencëtarët kanë izoluar një molekulë me erë, acetofenon, më e zakonshme në lëkurën e minjve dhe njerëzve të infektuar dhe tërheqëse për A.aegypti. E prodhuar nga bakteret e gjinisë Bacillus të pranishme në lëkurë: ato shumohen tek ata që janë të infektuar, sepse bie niveli i një proteine që i kontrollon ato.

2. Gratë shtatzëna dhe binjakët

Mund të ndikojnë edhe kushte të tjera. Përveç patologjive virale të përshkruara më lart, malaria i bën ato më tërheqëse edhe për mushkonjat, të cilat mbartin plazmodiumin, përgjegjëse për sëmundjen. Disa studime tregojnë se gratë shtatzëna janë një objektiv, ndoshta për shkak të rritjes së metabolizmit që sjell më shumë emetime të CO2 dhe nxehtësi, ose një ndryshim në aromën e trupit. Pastaj janë variacionet individuale në aromë, të lidhura me gjenetikën. Një studim zbuloi se binjakët identikë i tërheqin mushkonjat në të njëjtën mënyrë.

3. Jo birrë

Asnjë ushqim që supozohet se mban larg mushkonjat, nuk i ka qëndruar provës së shkencës. Përkundrazi, diçka duket se i tërheq ato: birra, kjo e dokumentuar në disa studime. Njëri u krye nga studiues nga Franca dhe Burkina Faso. Pasi pinë nga 1 litër birrë, vullnetarët u bënë më tërheqës për mushkonjat Anopheles gambiae (që shkaktojnë malarien). Studiuesit kanë përjashtuar rritjen e temperaturës apo emetimin e CO2. Ata supozojnë se ekziston një ndryshim te substancat me erë.

4. Tërhiqen nga djersa

Nëse po kërkoni një justifikim për të mos u stërvitur aq shumë gjatë verës, studimi i Metju Dexhanors i Universitetit Ndërkombëtar të Floridës, mund t’ua sigurojë një të tillë. Studiuesi ka vërtetuar se mushkonjat janë në gjendje të identifikojnë substancat e pranishme në djersën tonë. Ai pa se si mushkonjat e modifikuara gjenetikisht, në të cilat një receptor në antena ishte bërë joaktiv, nuk ishin të ndjeshme ndaj acidit laktik të pranishëm te djersa. Dhe ato nuk ishin më të tërhequra nga krahët e vullnetarëve apo veshjet e djersitura./ Përshtatur nga CNA

Lajmet e fundit nga