web counter
LEXO PA REKLAMA!

SHKARKO APP

App Store
Google Play

E fundit!

x

Historia si në televonela/ Bankieri lë nusen në mes të ceremonisë, mësoi se e kishte tradhtuar

12 Gusht 2023, 12:20, Lifestyle CNA

Historia si në televonela/ Bankieri lë nusen në mes të

Skenë si ajo në telenovela ka qenë ngjarja që ka nodhur në martesën e sipërmares Cristina Seymandi dhe bankierit Massimo Segre.

Ky i  fundit në mes të ceremonisë martesore i ka bërë me dije nuses se ishte mësuar se ajo e tradhtonte.

Sipërmarrësja ngeli e habitur pasi ajo natë e shënuar për të, pasi në të njëjtën ditë që kishte edhe ditëlindjen, mësoi se po ndahej.

“Unë tradhtare? Me çfarë baze… njerëzit që përmendi janë të gjithë fantazma. E vërteta do të dalë. Më vjen më shumë keq për të se për veten.

Pastaj edhe për gjithë të tjerët që u përfolën në këtë histori dhe që nuk kanë të bëjnë fare. Do ta mbroj veten në çështje civile apo penale”, tha Seymandi pas ndarjes.

Dhe duket se fillimisht ka qenë e tronditur. Por me kalimin e ditëve e ka marrë veten.

“Pas festës nuk fjeta. Ishte si një dush i ftohtë. Por tani po, fle. Po filloj të jetoj me shkëputjen e duhur. Ishte një farsë. Kur u largua dhe ishte në shtëpinë e vet, u desh ta bënte i shoqëruar me 4 bodigardë. Kishte orkestruar çdo gjë”, tha sipërmarrësja nga Torino që deklaroi se “duhen shumë gjëra që ta përulin”, ka thënë ajo për mediat italiane.

Ngjarja në fjalë ndodhi në ceremoninë e dasmës së tyre, e cila ishte shtyrë dy herë për shkak të pandemisë së Covid-19.

Para 150 të ftuarve, bankieri i njohur i bëri të ditur nuses se ajo e kishte tradhtuar me avokatin.

“Të lë në lirinë tënde të dashurosh kë të duash, veçanërisht avokatin tënd”, shprehej ai.

Pasi Segre e ftoi të shkonte në Mikonos me të dashurin e ri, u largua nga festa.

“Më falni dhe natën e mirë”, tha ai i qetë.

Ndërsa Seymandi mohon diçka të tillë.

“Duhej të ishim larguar bashkë pas festës. Valixhet ishin gati. Nëse shkoj në Mikonos do iki vetëm”, tha ajo./ CNA





Lajmet e fundit nga