LEXO PA REKLAMA!

SHKARKO APP

App Store
Google Play

Investoi në rinovimin e Muzeut të gjimnazit "Hasan Tahsini" në Sarandë/ Vlerësohet mjeku Vasil Llajo

6 Mars 2023, 12:00, Kulturë CNA
Investoi në rinovimin e Muzeut të gjimnazit "Hasan Tahsini"
Mjeku i njohur, Vasil Llajo

Mjeku i njohur Vasil Llajo është vlerësuar me një certifikatë mirënjohje nga Ardian Gurma.

Llajo është vlerësuar për kontributin e tij për rinovimin tërësor të Muzeut të gjimnazit "Hasan Tahsini" në Sarandë.  

“Për kontributin e dhënë në vlera monetare, me destinacion realizimin e rinovimit tërësor të Muzeut të Gjimnazit 'Hasan Tahsini', Sarandë. Keni mirënjohjen time dhe të të gjithë brezave të nxënësve e mësuesve të kësaj shkolle me histori 63-vjeçare, që falë jush memorizohet në këtë muze, i cili është pjesë e shndritshme e kujtesës së qytetit të Sarandës”, shkruhet në certifikatën e mirënjohjes.

Investoi në rinovimin e Muzeut të gjimnazit "Hasan Tahsini"

Kujtojmë se mjeku Vasil Llajo, pas ushtrimit të profesionit për dy-tre muaj në spitalin e Sarandës, ku hodhi hapat e parë si mjek, u emërua në një zonë rreth tri orë larg qytetit të Sarandës, ku u lind, kreu shkollën nëntvjeçare e të mesme.

Edhe pse vlerësuar shkëlqyeshëm në fakultet, me dy gjuhë të huaja, i aftë për të punuar në klinikat më të specializuara të vendit nuk e refuzoi pozicionin e parë të punës.

Saranda është pika e dobët e mjekut Vasil Llajo. “Është dobësia dhe dashuria ime e parë dhe e fundit”,  është shprehur ai.

Llajo gjithnjë është përpjekur të kontribuojë edhe nga ana monetare për të zhvilluar sa më shumë qytetin e tij.

Këtë e ka treguar edhe në kontributin që ka dhënë për shkollën e mesme të qytetit, ku është në përfundim muzeu shumëdimensional i kësaj shkolle shumëvjeçare duke sponsorizuar një tablo masive, pikturë, kushtuar dijetarit të shquar, Hasan Tahsini, emrin e të cilit mban kjo shkollë./ CNA.al

Lajmet e fundit nga