Inva Mula dhe Gjergji Sulioti risjellin “Karnavalet” në teatrin Andon Zako Çajupi

4 Mars 2023, 22:16, Kulturë CNA

Inva Mula dhe Gjergji Sulioti risjellin “Karnavalet” në teatrin

Foto ilustruese

Sopranoja e mirënjohur Inva Mula dhe solisti Gjergj Sulioti kanë risjellë në skenën e teatrit Andon Zako Çajupi operetën e kompozuar nga mjeshtri Avni Mula, “Karnavalet”.

Në këtë vepër të jashtëzakonshme gërshetohet bukur linja e dashurisë, humori i hollë i personazheve, “pazaret e krushqisë” dhe mënyra e të jetuarit elegante korçare, të cilat kanë lënë gjurmë të rëndësishme në kujtesën e kulturës artistike dhe sociale të shoqërisë sonë.

Solistët që interpretuan në këtë vepër janë:

Nikollaqi- Kreshnik Zhabjaku, Solen Alla

Olimbia-Vikena Kamenica, Ivana Hoxha

Afroviti- Dorina Selimaj, Renisa Laçka

Nasta- Ramona Tullumani, Marina Kurti

Loni-Klodjan Kaçani, Denis Skura

Prefekti-Armando Likaj, Artur Vera

Dr.Xhuvi- Erlind Zeraliu , Matias Xheli

Donna Lucia-Shpresa Beka

E ftuara e mbrëmjes-Nina Muho

Një qytetar-Aurel Thëllimi

Maska e Prefektit-Anxhelo Duro

Maska e Profesorit-Xhoni Jesku

Koncertmaestër- Ingrid Puliza, etrita Ibrahimi

Salla e teatrit Andon Zako Çajupi ka qenë e mbushur plot e përplot nga adhurues të kësaj vepre, që i ka risjellë sërish emocione publikut të pranishëm.

“Karnavalet”, është vepra e repertorit kombëtar e cilësuar si një nga më të çmuarat e këtij lloji, që i ka rezistuar kohës, madje tingëllon e freskët jo vetëm për nga tematika, por edhe nga rrjedhshmëria e melodive aq të dashura dhe të interpretuara me aq mjeshtëri nga trupa dhe solistët e TKOB-së.

Kjo vepër rikthehet pikërisht në 95-vjetorin e lindjes së kompozitorit të madh Avni Mula dhe libretistit të mirënjohur Luigj Gurakuqi. Nën regjinë dhe kujdesin e veçantë të Inva Mules, të bijës së Avni Mulës, i cili shkroi "Karnavalet" mbi komedinë me të njëjtin titull të Spiro Çomores dhe libret të Luigj Gurakuqit.

Me Orkestrën Simfonike të TKOB-së, dirigjuar nga virtuozja, Elda Laro, me kostumografi të frymëzuar nga estetika e viteve ’30, kuruar nga Elva Bella, skenografi të Romeo Çanit, ku gërshetohet mahnitshëm realistja dhe surrealistja, video-artistit Black- Box Film, si dhe me plot surpriza të tjera./ CNA.al