web counter
LEXO PA REKLAMA!

SHKARKO APP

App Store
Google Play

Festivali “Luleborë”/ Mlika: Këtë vit jubilar kemi pjesëmarrje edhe nga qytete të tjera

18 Tetor 2025, 12:09, Kulturë CNA

Festivali “Luleborë”/ Mlika: Këtë vit jubilar kemi

Në teatrin “Migjeni” kanë nisur përgatitjet për edicionin e 10-të të Festivalit “Luleborë”, një nga aktivitetet më të rëndësishme kulturore të qytetit.

Këtë vit, festivali vjen në një vit jubilar, duke shënuar edicionin e 10-të të tij.

Orkestra ka nisur provat e para, në mënyrë që gjithçka të jetë gati në fund të muajit tetor, kur për dy net me radhë, emra të njohur të skenës shkodrane dhe shqiptare do të performojnë për publikun e Shkodrës.

Në një intervistë për mediat, Dritan Mlika, përgjegjës i Qendrës Kulturore “Pjetër Gaci”, foli për përgatitjet, por edhe për rëndësinë që mbart ky festival në vitin e tij jubilar.

"Kanë filluar përgatitjet për 'Luleborë', i cili këtë vit vjen në edicionin e tij të 10-të. Jemi në punë të gjithë duke nisur nga banda, harqet e çdo gjë. Këtë vit pjesëmarrja është gjithëkombëtare e jo veç nga qyteti i Shkodrës. Shpresojmë që gjërat të ecin mirë e të kemi një festival nga viti në vit më të lartë artistikisht", tha Mlika.

Pas përzgjedhjes së këngëve që do të marrin pjesë në këtë edicion, puna është përqendruar në përgatitjen e materialeve muzikore, të cilat siç është traditë do të interpretohen 'live' për publikun.

Për dy net me radhë, më 27 dhe 28 tetor, teatri “Migjeni” do të mirëpresë Festivalin “Luleborë”, që në këtë edicion jubilar pritet të sjellë shumë surpriza dhe emocione për spektatorët./ CNA





09:40 Kulturë Agim Xhafka

“AH, TË ISHA DERR!”

Më shpëtoi kjo frazë duke parë televizorin. Po shihja një ...

Lajmet e fundit nga