E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

U shua ditën e sotme/ Jeta dhe vepra e kantautorit Nonda Kajno

8 Tetor 2025, 09:05, Kulturë CNA

Serenatisti i mirënjohur korçar, Nonda Kajno, u lind më 18 gusht 1945 në qytetin e Korçës, një vatër e njohur për traditat e saj të pasura kulturore e muzikore, të cilat ndikuan thellësisht në formimin e tij artistik.

Arsimin e mesëm e përfundoi në Liceun Artistik të Korçës, “Tefta Tashko Koço”, ndërsa studimet e larta i vijoi në Konservatorin e Tiranës, ku u përgatit profesionalisht në fushën e muzikës.

U shua ditën e sotme/ Jeta dhe vepra e kantautorit Nonda Kajno

Ai rrjedh nga një familje e pasur, çka gjatë periudhës së regjimit komunist solli përndjekje dhe vështirësi të shumta. Megjithatë, falë talentit dhe përkushtimit, arriti të punojë në disa ndërmarrje si dizenjator dhe drejtues artistik, duke dëshmuar aftësi të larta krijuese dhe organizative.

Kajno karrierën artistike e nisi në aktivitete kulturore lokale si interpretues i serenatës dhe këngës qytetare dhe më pas krijoi kompozime origjinale duke sjellë këngë të dashura për publikun.

U shua ditën e sotme/ Jeta dhe vepra e kantautorit Nonda Kajno

Në vitet ’70, gjatë periudhës së liberalizmit kulturor, u përfshi në estradën profesioniste të qytetit të Korçës, në një kohë kur drejtues artistik ishte Todi Lubonja. Pikërisht në këtë periudhë krijoi grupin e parë muzikor në Shqipëri me formacion modern, që përfshinte vetëm kitarë elektrike dhe bateri. Ai ishte solist i grupit dhe autor i disa prej këngëve që interpretoheshin. Grupi pati një sukses të jashtëzakonshëm, duke sjellë një frymë të re dhe moderne në skenën shqiptare të kohës.

U shua ditën e sotme/ Jeta dhe vepra e kantautorit Nonda Kajno

Pas Festivalit të 11-të në RTSH, grupi u ndalua dhe ai u detyrua të ndërpriste aktivitetin artistik për disa vite, duke punuar në minierë dhe në sektorin e bujqësisë. Megjithatë, dashuria për artin nuk u shua kurrë.

Pas viteve ‘90, me ndryshimet demokratike, ai iu rikthye krijimtarisë muzikore, duke vijuar të kompozojë dhe të interpretojë. Ka marrë çmime brenda dhe jashtë vendit, në festivale të ndryshme. Këngët e tij janë interpretuar nga emra të njohur të muzikës shqiptare si Kastriot Tusha me këngën "Lërmë të të puth", Rovena Dilo me këngën "Edhe malet më largohen", Ermira Kola me një sërë këngësh, Ermira Babaliu, Grupi Ritfolk, si edhe nga shumë këngëtarë të tjerë.

U shua ditën e sotme/ Jeta dhe vepra e kantautorit Nonda Kajno

Me grupin Ritfolk ka pasur një bashkëpunim të gjatë, ku një nga këngët "Dëshirë dhe heshtje" e grupit është krijim i Kajnos.

Pas dekadash përvoje dhe kontributesh në fushën e artit, ai drejtoi Agjencinë e Spektakleve “Korça”, ku promovoi krijimtarinë shqiptare dhe të mbështesë brezat e rinj të artistëve.

U shua ditën e sotme/ Jeta dhe vepra e kantautorit Nonda Kajno

Ata që dëshirojnë të njihen më nga afër me krijimtarinë e tij, mund ta gjejnë në "YouTube", ku janë të publikuara një pjesë e madhe e kompozimeve dhe interpretimeve të tij./CNA