E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Promovohet në Austri romani autobiografik KREUZTANNE i ambasadorit Fate Velaj

24 Shtator 2025, 17:44, Kulturë CNA

Promovohet në Austri romani autobiografik KREUZTANNE i ambasadorit Fate

Mbrëmë, më 23 shtator 2025, të pranishmit në Traiskirchen,mes tyre Zëvendëskancelari dhe ministër i kulturës Andreas Babler, shumë ambasadore e ambasadorë si dhe dashamirë të shumtë të letërsisë, përjetuan diçka krejt të veçantë: prezantimin e romanit tim autobiografik KREUZTANNE të Fate Velaj shoqëruar me pikturat dhe fotografitë të realizuara prej tij.

Ishte një takim thellësisht njerëzor – larg duartrokitjeve të përsëritura për Mozartin dhe Beethovenin.

Publiku dëgjoi historinë prekëse të një djali të ri nga Vlora, nga një Shqipëri që asokohe ishte e izoluar nga bota. Një i ri që ëndërronte të jetonte në metropole, por që fati pas rënies së komunizmit në vitin 1991 e çoi në një bujtinë të vogël në malet austriake.

Promovohet në Austri romani autobiografik KREUZTANNE i ambasadorit Fate

Prej andej filloi një jetë e re: si larës enësh, si punëtor fabrike në tri turne – dhe pas punës ai "zhyste duart në ngjyra", për t’u bërë një ditë një artist i njohur.

Një histori djersësh dhe lotësh. Midis jetës dhe vdekjes për tu rikthyer në jetë, më i fortë se kurrë më parë.

Promovohet në Austri romani autobiografik KREUZTANNE i ambasadorit Fate

Pjesë nga fjala e Zëvendëskancelarit Andreas Babler: Traiskirchen, 23 shtator 2025

…ky libër nuk është vetëm një vepër letrare, por edhe një histori thellësisht personale dhe politike.

Historia e Fate Velajt është një histori austriake, një histori shqiptare – por mbi të gjitha një histori evropiane.

Çfarë është Evropa, nëse ajo nuk do të ishte pikë takimi dhe integrimi?

Dhe çfarë do të ishte Evropa pa ndërtues urash si Fate Velaj?

Fate Velaj, në krijimtarinë e tij, bashkon artin, kulturën dhe politikën – dhe me këtë ka kontribuar në mënyrë vendimtare në mirëkuptimin e ndërsjellë midis Austrisë dhe Shqipërisë, midis Evropës Juglindore dhe Bashkimit Evropian…

I dashur Fate, historia jote tregon: Evropa nuk rritet vetëm përmes traktateve, por mbi të gjitha përmes njerëzve që ndërtojnë ura. Për këtë dua të të falënderoj nga zemra./ CNA