web counter
LEXO PA REKLAMA!

SHKARKO APP

App Store
Google Play

40 vite karrierë kinematografike/ Kush ishte kineasti Dhimitër Anagnosti

1 Shtator 2025, 07:56, Kulturë CNA

40 vite karrierë kinematografike/ Kush ishte kineasti Dhimitër

Sot është ndarë nga jeta kineasti i njohur Dhimitër Anagnosti, një nga regjisorët më të mëdhenj të shekullit XX, me një kontribut mbi 40-vjeçar.

Karriera kinematografike e Anagnostit nisi që në bankat e universitetit ku së bashku me Viktor Gjikën xhiruan si punë diplome filmin "Njeriu kurrë nuk vdes", një ekranizim i tregimit të Ernest Hemingway, i cili u vlerësua me Çmimin e Parë në Festivalin Botëror të Shkollave Kinematografike, që u zhvillua në Holandë në vitin 1961.

Filloi punë si operator në Dhimitër Anagnosti u lind më 23 janar 1936 në Vuno. Është regjisor i dhjetëra filmave dhe dokumentarëve.

Disa prej filmave që mbajnë vulën e tij janë:

 

"Njeriu kurrë nuk vdes"

 

"Komisari i dritës"

 

"Duel i heshtur"

 

"Lulëkuqet mbi mure"

 

"Përrallë nga e kaluara"

 

"Gjoleka, djali i Abazit".

Anagnosti ka një karrierë kinematografike 40-vjeçare, ka realizuar 14 filma artistikë, 10 dokumentarë, në vitin 2001 shkroi dhe vuri në skenë në Teatrin Kombëtar dramën e vetme "Nata e trokitjeve në xham".

Është nderuar me titullin “Artist i Popullit” në 1987 dhe me kupën e karrierës në Festivalin e 10-të të Filmit Shqiptar.

Në vitin 2021 presidenti i kohës, Ilir Meta, e dekoroi Dhimitër Anagnostin me Dekoratën e lartë “Gjergj Kastrioti Skënderbeu”.

Pas rënies së regjimit u angazhua në politikë. Nga viti 1991-1996 u zgjodh deputet i Partisë Demokratike.

Më 12 prill 1992 u emërua ministër i Kulturës, Rinisë dhe Sporteve, post të cilin e mbajti deri në 4 dhjetor 1994, ku dha dorëheqjen./CNA

 

 





12:34 Kulturë Agim Xhafka

LADI YNË…

Ndodhi para ca vitesh, m’u kujtua sot nuk di për ç'shk...

Lajmet e fundit nga