E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mediat austriake artikuj për romanin “Kreuztanne” të Fate Velaj

14 Tetor 2025, 18:47, Kulturë CNA

Mediat austriake artikuj për romanin “Kreuztanne” të Fate

Mediat austriake vazhdojnë pa ndërprerje të raportojnë mbi suksesin e romanit “Kreuztanne” të Fate Velaj.

Pas TV qendrore ORF, Radios Ö1 si dhe gazetave të tjera, sot, gazeta Niederësterreichische Nachrichten, i ka kushtuar një arikull ku nën titullin e saj, shkruhet:

“Promovimi librit të Ambasadorit Velaj, u kthye në një takim ndërkombëtar” dhe vazhdon:

Një mbrëmje plot me emocione, letërsi dhe diplomaci: Ambasadori shqiptar Fate Velaj u rikthye për të promovuar romanin e tij Kreuztanne në vendin ku dikur, kishte trokitur për një jetë të re në Austri.

Salla “Kammgarn” në Traiskirchen ishte e mbushur plot e përplot dhe nuk kishte asnjë vend bosh. Bashkia i kishte ftuar në një ngjarje të veçantë: Ambasadori shqiptar Fate Velaj u rikthye në vendin ku kishte filluar historia e tij personale në Austri – në qendrën e pritjes së refugjatëve në Traiskirchen.

Mediat austriake artikuj për romanin “Kreuztanne” të Fate

Velaj, dikur vetë emigrant, lexoi nga romani i tij autobiografik “Kreuztanne”. Mbrëmja u hap nga kryetarja e bashkisë Sabrina Divoky si dhe zëvkancelari austriak Andreas Babler, njëkohësisht, ministër i kulturës.

Një mbrëmje takimesh dhe kujtimesh.

Leximi u kthye në një ngjarje ndërkombëtare: Ambasador nga 26 vende morën pjesë, kaq shumë kombe njëkohësisht, nuk ishin parë kurrë më parë në sallën “Kammgarn”.

Mbrëmja u zhvillua në frymën e kulturës, shkëmbimit të mendimeve dhe ideve si dhe integrimit.

Fate Velaj është një shembull mbresëlënës i integrimit të suksesshëm: nga emigrant dhe punëtor fabrike në Austrinë e Poshtme, ai u bë një artist i njohur ndërkombëtarisht dhe sot është ambasador i vendit të tij.

Pas leximit, Velaj mori kohë për nënshkrime librash dhe biseda personale me të pranishmit. Në pritjen që pasoi, mysafirët nga e gjithë bota, shfrytëzuan mundësinë për të shkëmbyer përvoja e ide.