web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet vjedhja e banesës në Elbasan/ 2 të rinj në pranga

1 Mars 2024, 10:08, Kronika CNA

Zbardhet vjedhja e banesës në Elbasan/ 2 të rinj në pranga

Në prangat e Policisë së Elbasanit kanë rënë dy të rinj N. L., 27 vjeç dhe  E. B., 32 vjeç, të cilët dyshohet se më 28 shkurt kanë vjedhur pajisje në banesën e shtetasit V. S.

Njoftimi i policisë: 

Zbardhet një vjedhje në banesë, e kryer 2 ditë më parë. Identifikohen 2 autorët e dyshuar. Arrestohet njëri prej tyre (i dënuar më parë, për vjedhje) dhe vijon puna për kapjen e tjetrit.

Procedohet penalisht 28-vjeçari që bleu pajisjet e vjedhura.

Si rezultat i veprimeve të shpejta hetimore, të kryera menjëherë pas denoncimit për vjedhje në një banesë në lagjen "Partizani", shërbimet e Komisariatit të Policisë Elbasan identifikuan autorët e rastit, kapën dhe vunë në pranga njërin prej tyre, shtetasin E. B., 32 vjeç, si dhe po punojnë për ndalimin e bashkëpunëtorit të tij, shtetasit N. L., 27 vjeç, të dy banues në Elbasan.

2 shtetasit, dyshohet se më datë 28.02.2024, kanë vjedhur pajisje në banesën e shtetasit V. S.

Shërbimet e Policisë gjetën pajisjet e vjedhura, të cilat ishin blerë nga shtetasi D. K., 28 vjeç. Për këtë arsye, për 28-vjeçarin filloi procedimi në gjendje të lirë për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./CNA 





Lajmet e fundit nga