web counter
LEXO PA REKLAMA!

SHKARKO APP

App Store
Google Play

Parandalohet ngjarja kriminale në Pukë/ Fqinji tenton të vrasë me kallashnikov 35-vjeçarin

29 Shkurt 2024, 11:08, Kronika CNA
Parandalohet ngjarja kriminale në Pukë/ Fqinji tenton të
Momenti i arrestimit të 50-vjeçarit

Policia e Pukës ka mundur të arrestojë një 50-vjeçar me iniciale A. C., i cili kanosi me armë zjarri kallashnikov fqinjin e tij, gjatë një konflikti për motive pronësie.  

Sipas policisë, 50-vjeçari gjatë një konflikti për motive pronësie, ka kanosur me kallashnikov, shtetasin Y. C., 35 vjeç.

Njoftimi i Policisë: 

Ndërhyrja e menjëhershme e shërbimeve të Policisë, parandalon një ngjarje të mundshme kriminale. Kanosi me armë zjarri kallashnikov, fqinjin e tij, gjatë një konflikti për motive pronësie, Policia arreston në flagrancë 50-vjeçarin.

Sekuestrohen arma e zjarrit kallashnikov dhe një krehër me fishekë, që i posedonte 50-vjeçari, pa leje.

Pasditen e djeshme, shërbimet e Komisariatit të Policisë Pukë kanë marrë njoftim për një konflikt për motive pronësie mes 2 shtetasve, në fshatin Micoj, Fushë Arrëz.

Shërbimet e Policisë kanë shkuar menjëherë në këtë fshat dhe si rezultat i veprimeve të shpejta, kanë bërë të mundur kapjen në flagrancë të shtetasit A. C., 50 vjeç.

Ky shtetas dyshohet se gjatë një konflikti për motive pronësie, ka kanosur me armë zjarri kallashnikov, fqinjin e tij, shtetasin Y. C., 35 vjeç.

Shërbimet e Policisë kanë sekuestruar në cilësinë e provës materiale armën e zjarrit kallashnikov dhe një krehër me fishekë, të cilat shtetasi A. C. i mbante pa lejen përkatëse. Materialet procedurale i kaluan Prokurorisë, për veprime të mëtejshme./CNA





Lajmet e fundit nga