web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Dukagjin/ Ish-drejtuesi i lartë i policisë: Nuk është ruajtur anonimati i denoncuesve

2 Korrik 2023, 12:15, Kronika CNA
Vrasja në Dukagjin/ Ish-drejtuesi i lartë i policisë: Nuk
Ish-drejtuesi i lartë i policisë, Arben Hajdarmataj

Ish-drejtuesi i lartë i policisë, Arben Hajdarmataj, ka ngritur dyshimet rreth vrasjes babë e bir në Dukagjin.

Ai thotë se një nga arsyet mund të ketë qenë që nuk është ruajtur anonimati i personave që kanë kryer denoncimin dhe se informacioni mund të jetë dhënë nga efektivët e policisë.

Ndër të tjera ai shton se policia duhet të gjejë autorin dhe jo të justifikojë punën me kapjen e kryeplakut të fshatit dhe punonjësin e pyjeve.

Hajdarmataj tha gjatë intervistës në "Euronews Albania" se se nëse dikush denoncon mbjelljen e kanabisit duhet të merret në mbrojtje.

“Mund të jetë një nga arsyet që nuk është ruajtur anonimati i personave që kanë denoncuar, informacioni mund të jetë dhënë nga efektivë të policisë. Njerëzit që banojnë në ato zona janë të paktë dhe njihen me njëri-tjetrin dhe personat që e kultivojnë kanabisin janë të paktë. Në zonat ku gjenden parcela me kanabis që janë pa zot, për të justifikuar punën e vet policia shkon dhe shoqëron kryeplakun dhe punonjësin e pyjeve, por detyra e policisë është të gjejë autorin. Këta njerëz nuk mund të mbajnë përgjegjësinë e drejtpërdrejtë, këtë përgjegjësi e ka policia e shtetit”, tha Hajdarmataj./ CNA





Lajmet e fundit nga