web counter
LEXO PA REKLAMA!

SHKARKO APP

App Store
Google Play

6.5 tonë kokainë mes bananeve/ Europol godet grupin kriminal, trafikonin drogë nga Amerika e Jugut

1 Korrik 2023, 15:16, Kronika CNA

6.5 tonë kokainë mes bananeve/ Europol godet grupin kriminal,

Një megaoperacion është zhvilluar nga autortet spanjolle në bashkëpunim me Europol, ku është goditur një grup kriminal i përfshirë në trafikun e kokainës nga Amerika e Jugut në vendet e BE-së.

Europol lehtësoi shkëmbimin e informacionit dhe ofroi mbështetje të vazhdueshme analitike.

Në ditën e aksionit, Europol dërgoi oficerë në Spanjë për të mbështetur zhvillimet e inteligjencës gjatë aktiviteteve në terren.

Gjatë aksionit, efektivët e policisë zbarkuan në 8 vendndodhje në Cadiz dhe Malaga.

Aksioni solli 13 arrestime, konfiskimin e 6.5 tonëve kokainë, disa automjeteve, orave luksoze, një numri të madh pajisjesh elektronike dhe 1.5 milionë eurove cash.

Kreu i rrjetit kriminal konsiderohet të jetë një nga trafikantët më të mëdhenj të drogës në Spanjë. Me qendër në Malaga, koka e bandës drejtonte një rrjet në shkallë të gjerë, duke kontrabanduar kokainë nga Ekuadori dhe Kolumbia në BE-së.

Rrjeti kriminal pastronte pasuritë e paligjshme me anë të një kompanie që tregonte me shumicë peshk të ngrirë në Algeciras.

Në maj 2023, për të shmangur përgjimet e mundshme në Kolumbi, rrjeti kriminal organizoi një dërgesë direkte nga Ekuadori në Algeciras. Autoritetet spanjolle kapën këtë ngarkesë të madhe prej 2.296 tonësh kokainë, teksa ishte rrugës për në një magazinë.

Kokaina ishte fshehur mes dërgesave legale të bananeve. Gjatë kësaj ndërhyrjeje, oficerët spanjollë arrestuan shtatë të dyshuar. Autoritetet kolumbiane dhe spanjolle sekuestruan 6.5 tonë kokainë në total, me vlerë rreth 223 milionë euro në tregun ilegal./ CNA.al





Lajmet e fundit nga