web counter
LEXO PA REKLAMA!

SHKARKO APP

App Store
Google Play

E fundit!

x

Vdekja e dyshimtë e 55-vjeçares në Tiranë/ Gruaja var veten, burri e raporton për shkaqe natyrale

6 Shtator 2022, 08:12, Kronika CNA
Vdekja e dyshimtë e 55-vjeçares në Tiranë/ Gruaja var
Foto ilustruese

Një grua në kryeqytet ka gjetur vdekjen në rrethana të paqarta. Mësohet se një 55-vjeçare me inicialet SH.L., është gjetur e vetëvaruar, por bashkëshorti i saj e ka raportuar si vdekje natyrale.

Bashkëshorti i saj njoftoi familjarët duke u thënë këtyre të fundit, se e ndjera kishte ndërruar jetë në mënyrë natyrale.

Por verifikimet e policisë treguan të kundërtën. Pas deklaratës së pavërtetë, Shefqet Lika tashmë është nën akuzën e dy veprave penale, “Shkaktimi i vetëvrasjes” dhe “Veprime që pengojnë zbulimin e së vërtetës”.

Kamzë, Tiranë

Më datë 04.09.2022, në Frutikulturë, në banesë dyshohet se është vetëvarur shtetasja Sh. L., 55 vjeçe. 

Shërbimet e Policisë, nisur nga dyshimet e krijuara mbi kallëzimin e bërë më datë 05.09.2022, nga familjarët e shtetases Sh. L., kanë vijuar veprimet hetimore të thelluara, nën drejtimin e Prokurorisë pranë Gjykatës së Shkallës së Parë Tiranë, për të bërë të mundur zbardhjen e rrethanave të ngjarjes.  

Nga verifikimet e kryera, ka rezultuar se më datë 04.09.2022, rreth orës 15:00, në ambientet e banesës së saj, dyshohet se është vetëvarur shtetasja Sh. L., ndërsa bashkëshorti i saj, shtetasi Sh. L., nuk ka kallëzuar ngjarjen në Polici, por në mbrëmje ka njoftuar familjarët e viktimës, të cilëve u ka pohuar se shtetasja Sh. L. ka pësuar vdekje natyrale dhe ndaj kishte  bërë gati të gjitha procedurat e varrimit.

Në përfundim të veprimeve hetimore, specialistët për Hetimin e Krimeve në Komisariatin e Policisë Nr. 5 bënë ndalimin me iniciativë të shtetasit:    

- Sh. L., 56 vjeç, i dyshuar  për veprat penale "Shkaktimi i vetëvrasjes" dhe "Veprime që pengojnë zbulimin e së vërtetës".

Materialet i kaluan Prokurorisë, për veprime të mëtejshme procedurale./CNA.al





Lajmet e fundit nga