web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha nxjerr arkën me para/ Mallin e ngarkova vetë, pagesën e kanë marrë ata lart

5 Shtator 2022, 22:32, Kronika CNA
Artan Hoxha nxjerr arkën me para/ Mallin e ngarkova vetë, pagesën
Gazetari Artan Hoxha

Gazetari Artan Hoxha ka publikuar një foto, ku shihet me një arkë me para dhe ka ironizuar për kapjen e drogës në portin e Durrësit.

Me anë të një statusi në rrjetet sociale, Hoxha thotë se “mallin” e ngarkoi me duart e tij dhe do të vijë në portin e Durrësit.

Ai nuk tregon një datë të mbërritjes, por thotë se pagesën e kanë marrë persona me pushtet dhe policët e portit nuk dinë asgjë.

Gazetari ironizon Qeverinë dhe deklaron se në Kolumbi “malli” shitet me 1790 dollarë për kilogramë, ndërsa në portin e Durrësit pazari shkon shtrenjtë.

Artan Hoxha nxjerr arkën me para/ Mallin e ngarkova vetë, pagesën

“Ja pra kështu i bëjnë 'punët e mira', 'kolumbianët e Europës'…..

Si përfaqësues "i besueshëm” i Kartelit Labëria, si fillim numërojmë paret, bëjmë pagesën me korrektësi, dorëzojmë arkat e bananeve bosh… dhe presim kontejnerin në Durrës, plot për plot me “bereqet”.

Këtë radhë, nëse në portin e Durrësit, na humbin 60-70 arka me banane, mos më pyesni nga e di peshën e saktë të “mallit”!!! E kam ngarkuar me duart e mia. Mos arrestoni kot nga 20-30 policë në port. Policët e portit nuk dinë asgjë për zotin. Pagesën e kanë marrë ata lart…

Emrin e anijes dhe datën e zbarkimit nuk e them. Ka plas spiunllëku në nivel të lartë andej nga Tirana. Po e morën vesh ata “artistët” e Qeverisë, të marrin 50% të “mallit”. Jo për gjë, por kemi zgjedhje përpara, na nevojitet para e madhe.

P.S. për “grupet homologe në detyrë”, mallin e kapa me shumicë, 1790 dollarë për kg. Po keni kërkesa më njoftoni sa nuk është vonë. Se pastaj në Durrës, shkon shtrenjtë pazari. Pagesa bëhet sipas mundësisë, mirë do ishte në Euro dhe Dollarë amerikane, por pranojnë dhe Pesos kolumbiane ose bitcoin.

“Shakaja është gjysma e të vërtetës”, thotë populli ynë i vuajtur…”, shkruan Hoxha./ B.A. – CNA.al





Lajmet e fundit nga