web counter
LEXO PA REKLAMA!

SHKARKO APP

App Store
Google Play

E fundit!

x

Dhunoi dhe kërcënoi me armë gruan/ Prangoset 37-vjeçari

5 Shtator 2022, 09:34, Kronika CNA
Dhunoi dhe kërcënoi me armë gruan/ Prangoset 37-vjeçari
Foto ilustruese

Policia ka vënë në pranga shtetasin M.M. 37 vjeç, pasi mësohet se ka dhunuar dhe ka kërcënuar me armë gruan e tij.

Pasi në banesën e tij kanë mbërritur uniformat blu, 37-vjeçari ka hedhur armën nga dritarja dhe ka tentuar të largohet.

Gjatë kontrollit përreth banesës, shërbimet e policisë gjetën dhe sekuestruan, në cilësinë e provës materiale, një armë zjarri pistoletë me fishek në fole gati për qitje. Po gjatë kontrollit në banesë, policia gjeti dhe sekuestroi municion luftarak, një këllëf pistolete si ato të policisë dhe 5 radio që dyshohet se lidheshin me valët e radiove të policisë.

“Shërbimet e Komisariatit të Policisë Nr. 5, bazuar në informacionet e marra në rrugë operative se në fshatin Kasallë një shtetas mbante armë zjarri dhe ushtronte dhunë ndaj bashkëshortes, menjëherë kanë organizuar punën dhe kanë finalizuar operacionin policor të koduar “Kasalla”.

Si rezultat i tij u bë kapja dhe arrestimi në flagrancë i shtetasit:

- M. M., 37 vjeç, për veprat penale "Mbajtja pa leje dhe prodhimi i armëve, armëve shpërthyese dhe i municionit" dhe "Dhuna në familje".

Shtetasi M. M., mbrëmjen e djeshme ka ushtruar dhunë ndaj bashkëshortes së tij dhe e ka kanosur atë. Ky shtetas në momentin që kanë arritur shërbimet e Policisë, ka hedhur armën e zjarrit pistoletë nga dritarja e banesës dhe ka tentuar të largohet, por është prangosur nga shërbimet e Policisë.

Gjatë kontrollit përreth banesës, shërbimet e  Policisë gjetën dhe sekuestruan, në cilësinë e provës materiale, një armë zjarri pistoletë me fishek në fole gati për qitje. Po gjatë kontrollit në banesë, Policia gjeti dhe sekuestroi municion luftarak, një këllëf pistolete si ato të Policisë dhe 5 radio që dyshohet se lidheshin me valët e radiove të Policisë”, njofton policia./ CNA.al





Lajmet e fundit nga