web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e 26-vjeçarit/ Të afërmit, apel për ndihmë: Mendojeni si djalë deputeti, jo një fukara

5 Shtator 2022, 16:03, Kronika CNA
Zhdukja e 26-vjeçarit/ Të afërmit, apel për ndihmë:
Meledin Adili

Meledin Adili nga fshati Borje, i cili është raportuar i zhdukur që prej ditës së djeshme nga familjarët, nuk është gjendur ende.

26-vjeçari doli si çdo ditë për të mbledhur boronica në bjeshkë, por pa u kthyer më.

Vullnet Beluli, i afërm i 26-vjeçarit Meledin Adili ka bërë apel për ndihmë në media që të nisin kërkimet me dron, qen kufiri apo helikopter.

Ai thotë se territori në bjeshkë është shumë i vështirë dhe kjo u vështirëson edhe kërkimet.

“Kemi filluar kërkimet që në orën 17. Moti ka qenë me vetëtima, ne u larguam se moti ishte shumë i keq, kemi nisur kërkimet në orën 4 të mëngjesit, pas 10 orëve kërkim nuk kemi gjetur gjë, duhet ndërhyrje ju lutem nga shteti, ju lutem ju përgjërohem, se është një djalë i ri 26 vjeç, llogariteni sikur është fëmija i një deputeti, edhe pse ne jemi fukarenj dhe dilnim e mblidhnim boronica.

Sado ta njohësh rrugën, humbesh, ka shkëmbinj të mëdhenj, ka humnera, kemi kërkuar ndihmën e autoriteteve, deri tani kërkimet e policisë, në këtë zonë duhet të kërkojnë në bjeshkën e Brodit, Kazanet e Brodit, bjeshka është e pafundme. Ai ka numër telefoni, nuk i shkon zilja, si mund ta gjejnë me GPS, ai ka dalë për copë buke. Policia e Kosovës ka ndërhyrë me makina, po me makina nuk lëvizet, se duhet ecur me këmbë, bjeshka është e rrezikshme nuk shihet njeriu me njeriun, prej mjegullës. Edhe në korrik është moti i paqëndrueshëm, është lartësi mbi 1600 metra”, tha ai./CNA.al

 





Lajmet e fundit nga