E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit mes kreut...

“Pse më shantazhon?"/ Arsen Muskurti rrëfen si e ka kryer krimin: Mora armën dhe shkova të sqarohesha

5 Shtator 2022, 16:05, Kronika CNA

Arsen Muskurti

Vrasja e kryer nga Arsen Muskurti tronditi pak ditë më parë gjithë opinionin publik.

Së fundmi, Arsen Muskurti, autori i dyshuar i vrasjes së vëllait të tij Dritanit dhe kunatës së tij, Nora Muskurti, ka rrëfyer përpara hetuesisë debatin që ka pasur me çiftin e ndjerë pak para se t'i qëllonte për vdekje, me 7 plumba pistolete.

Aktualisht 38-vjeçari po mbahet nën masën “Arrest shtëpie”, ndërkohë që para hetuesve ka deklaruar se që prej vitit 2017, kishte një marrëdhënie mjaft të tensionuar me të vëllanë.

“Me Dritanin dhe Nora Muskurtin kam pasur problematika të vazhdueshme prej vitit 2017, për shkak se ai ka qenë një person që nuk pranonte kërkesë llogarie dhe shpesh ishte kërcënues ndaj meje. Për këtë shkak unë kam bërë edhe kallëzim në komisariat”, shpjegon ai.

Hetuesit janë duke i parë me shumë rezerva deklaratat e tij, por duke qenë se ky është burimi i vetëm për të kuptuar motivet e krimit si dhe natyrën e krimeve brenda familjes, po vijojnë t’i analizojnë deklaratat e tij.

Ky është shkaku kryesor se përse Arsen Muskurti, është pyetur lidhur me detajet që kanë ndodhur në ditën e ngjarjes.

Autori i dyshuar tregon se ditën e krimit, në shtëpinë e tij kishte mbërritur një fletëthirrje nga gjykata, pasi vëllai i tij Dritani kishte kërkuar një urdhër-mbrojtjeje kundrejt tij.

Sakaq, i dyshuari pretendon se gjatë kësaj kohe, ai dhe vëllai i tij ishin në proces gjyqësor edhe për një shumë të konsiderueshme parash, ku thotë se kishin kërkuar ekspertim të firmës, duke pretenduar se ia kishin falsifikuar.

“Duke u mbledhur në të gjitha këto probleme, pësova tronditje. Mora armën dhe shkova në agjenci për t’u sqaruar. Sapo kam hyrë i kam drejtuar armën dhe i thashë: “Pse më shantazhon mua, fëmijët e mi, nënën dhe babën. Ai m'u përgjigj me fjalët 'du me e bë'. Atëherë kam qëlluar me armë drejt Dritanit dhe nuk di ç’kam bërë më tej. Jam larguar për te dyqani im që e kam aty pranë dhe kam futur armën në kasafortë. Më pas kam shkuar në shtëpinë time në Rrugën ‘5 Maji’. Jam ndërruar dhe kam thirrur avokatin tim. Rrobat e krimit i kam hedhur në një kazan plehrash”, ka shpjeguar Arsen Muskurti.

"BalkanWeb" raporton se në dosje thuhet se mbi bazën e dëshmisë së tij, oficerët shkuan në biznesin e autorit të dyshuar dhe hapën kasafortën, aty ku gjetën dhe sekuestruan armën e krimit.

Ngjarja ka ndodhur më 30 gusht, rreth orës 16:40 pranë ambienteve të agjencisë së udhëtimeve "Nour Tours". Arsen Muskurti ka qëlluar për vdekje vëllanë dhe kunatën e tij me 7 plumba. Pas aktit kriminal ai ka futur armën në brez dhe është larguar me qetësi për t’u dorëzuar disa orë më vonë në rajon./ CNA.al