web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e biznesmenit shqiptar në Itali/ Zbulohet e shkuara e tij

5 Shtator 2022, 10:22, Kronika CNA

Vrasja e biznesmenit shqiptar në Itali/ Zbulohet e shkuara e tij

Ditën e djeshme një biznesmen shqiptar në Torino të Italisë është gjetur i vrarë. Fatmir Ara u gjet i pajetë, ndërkohë që familja e tij kishte denoncuar pranë autoriteteve italiane si të zhdukur.

Sipas raportimeve Ara i kishte humbur kontaktet me familjarët që prej datës 2 gusht 2022. Policia nisi menjëherë kërkimet për të, por rezultoi se ai nuk ishte i panjohur për drejtësinë italiane.

Mësohet se në vitin 2018 ai ishte arrestuar dhe ishte dënuar me tri vite burg. Atë kohë bashkëshortja e tij e kishte denoncuar për dhunë, por gjithashtu dyshohej se ai mbante edhe armë pa leje.

Ndër të tjera, gruaja e tij më pas e ka akuzuar se është përfshirë në punë të paligjshme. Ara kërkoi ndihmën e shokut të tij që ishte karabinier, por në të njëjtën kohë ata ishin edhe fqinjë.

Karabinieri Raimondo Marrocu, punonjës në kazermën Corio, bëri disa telefonata për të mësuar më shumë detaje për kallëzimet dhe hetimet e nisura ndaj Arës, por pa rezultat. Për këtë vepër ai u dënua me 2 vjet e 2 muaj burg./CNA.al





Lajmet e fundit nga