web counter
LEXO PA REKLAMA!

SHKARKO APP

App Store
Google Play

E fundit!

x

FNSH nis aksionet/ Arreston 3 persona për drogë dhe armë

5 Shtator 2022, 10:39, Kronika CNA
FNSH nis aksionet/ Arreston 3 persona për drogë dhe armë
Pamje nga aksioni

Policia ka zhvilluar aksione të befasishme në Durrës dhe në Fushë-Krujë. Nga ky aksion kanë përfunduar në pranga tre shtetas që janë kapur me boçe kanabisi dhe armë në automjet.

“Bashkëpunim intensiv i të gjitha strukturave në çdo qark të vendit, për kontrolle të befasishme kundër paligjshmërive.

Finalizimi i planit intensiv operacional të koduar 'Fundjava', vë në pranga 3 shtetas,  për drogë dhe armë.

Sekuestrohen, në Fushë-Krujë një armë zjarri pistoletë dhe në Durrës lëndë narkotike që mbaheshin në automjete.

Drejtuesi i automjetit që mbante kanabis në formë boçeje, pas testit të drogës, rezultoi se e drejtonte automjetin nën efektin e lëndëve narkotike.

Po në kuadër të planit operacional 'Fundjava', një ditë më parë, nga DVP Durrës, në bashkëpunim me FNSH-në, u vunë në pranga edhe 2 shtetas të tjerë që qarkullonin me armë zjarri.

Në zbatim të planit operacional policor të koduar 'Fundjava', forcat operacionale, në bashkëpunim me Sektorin e Qarkullimit Rrugor Durrës, Komisariatin e Policisë Krujë dhe me mbështetjen e FNSH Tiranë, gjatë kontrolleve të befasishme në Fushë Krujë dhe Durrës kapën dhe arrestuan në flagrancë shtetasit:

-K. L., 28 vjeç, banues në Rrëshen, Mirditë, pasi u kap në Fushë-Krujë, si rezultat i kontrolleve të befasishme, duke qarkulluar me armë zjarri në automjetin tip 'Audi' që drejtonte.

Gjatë kontrollit të imtësishëm të ushtruar nga shërbimet e Policisë, poshtë sediles së shoferit iu gjet dhe iu sekuestrua në cilësinë e provës materiale, një armë zjarri pistoletë me një krehër me 8 fishekë luftarakë në të.

-D. L., 21 vjeç dhe O. D., 23 vjeç, të dy banues në Durrës, pasi u kapën në vendin e quajtur 'Mbikalimi i Kënetës', Durrës, duke qarkulluar me një automjet tip 'BMW', në të cilin mbanin një sasi lënde të dyshuar narkotike kanabis në formë boçeje, e cila u sekuestrua në cilësinë e provës materiale.

Në vijim të veprimeve për këtë rast, shtetasi O. D., drejtuesi i automjetit, iu nënshtrua testit të drogës, me pajisjen AquilaScan dhe rezultoi pozitiv për përdorim të lëndëve narkotike gjatë drejtimit të automjetit.

Materialet hetimore në ngarkim të shtetasit K. L. i kaluan Prokurorisë pranë Gjykatës së Rrethit Gjyqësor Krujë, për vepren penale 'Prodhimi dhe mbajtja pa leje e armëve luftarake dhe municionit', ndërsa materialet hetimore në ngarkim të shtetasve D. L. dhe O. D.  i kaluan Prokurorisë pranë Gjykatës së Rrethit Gjyqësor Durrës, për veprat penale 'Prodhimi dhe shitja e lëndëve narkotike' dhe 'Drejtimi i automjeteve në mënyrë të parregullt'”, njofton policia./ CNA.al





Lajmet e fundit nga