Ushtaraku shqiptar u vra në avionin me drogë/ Kush ishte kolegu që udhëtoi me Sokol Fekajn në Spanjë

27 Shtator 2023, 22:07, Kronika CNA

Ushtaraku shqiptar u vra në avionin me drogë/ Kush ishte kolegu

Sokol Feka, piloti që humbi jetën teksa drejtonte nga Maroku në Spanjë helikopterin ushtarak të mbushur me 1 ton drogë, është rikthyer në vëmendje mbrëmjen e kësaj të marte.

Ministria e Jashtme e Shqipërisë u njoftua për këtë ngjarje nga autoritetet spanjolle, ndërsa Ministria e Mbrojtjes njoftoi se majori Sokol Feka kishte marrë leje të zakonshme.

Ndonëse ishte detyrim që të njoftonte daljen nga territory shqiptar, ministria pretendoi se nuk ishte informuar për një gjë të tillë.

Në dosjen hetimore të vitit 2015, të zbardhur nga Klodiana Lala, thuhet se ushtaraku kishte udhëtuar jashtë Shqipërisë edhe herë të tjera, pa njoftuar ministrinë e Mbrojtjes.

Ushtaraku shqiptar u vra në avionin me drogë/ Kush ishte kolegu

Kjo u zbulua nga dëshmia e kolegut të tij, Vladimir Ademi, i cili shërbente si teknik helikopteri në regjimentin e helikopterëve në Farkë.

Ky i fundit kishte pasur disa udhëtime për në Spanjë, në të njejtën kohë me Fekën.

“Nga verifikimet e lëvizjeve së kuadrove ushtarak jashtë shtetit dhe pa lejen e eprorëve është saktësuar se efektivi i këtij shërbimi, shtetasi Vladimir Ademi ka udhëtuar jashtë kufirit pa lejen përkatëse në periudhat 17 dhjetor 2014 deri më 29 dhjetor 2014 dhe nga data 20 janar 2015 deri më datë 31 janar 2015. Periudha kohore këto të cilat janë të përafërta me ato të lëvizjes së efektivit Sokol Feka”, thuhet në dosjen hetimore.

Ademi fillimisht kishte ikur në rrugë tokësore në drejtim të Kosovës dhe më pas kishte fluturuar në drejtim të Spanjës, ku është takuar dhe me kolegun e tij.

Ushtaraku shqiptar u vra në avionin me drogë/ Kush ishte kolegu

“Ndërkohë që ka qenë në aeroportin e Malagës duke pritur ardhjen e një të njohure të tij, Vladimir Ademi thotë se ka takuar majorin Sokol Feka, me të cilin ka qëndruar në të njëjtën dhomë hoteli në Ibiza”, vijon dosja hetimore, ndërsa theksohet se Ademi dhe Feka kishin qëndruar bashkë për rreth 10 ditë.

“Pas një qëndrimi 10 ditor në Spanjë ku thuajse gjatë gjithë kohës ai kishte qëndruar me Sokol Fekën, Vladimir Ademi është kthyer në Tiranë për të udhëtuar sërish më datë 20 janar 2015 drejt Spanjës, pa leje të eprorëve.

Periudhë në të cilën ai pretendon se është takuar po rastësisht me Sokolin gjatë lëvizjeve në Spanjë dhe më gjerë”, nënvizohet më tej.

Hetuesit gjithashtu zbuluan se ushtaraku dhe tekniku i helikopterit kishin udhëtaruar edhe herë të tjera bashkë, gjë e cila është konfirmuar edhe nga Ademi./ CNA