web counter
LEXO PA REKLAMA!

SHKARKO APP

App Store
Google Play

Vrasje dhe plagosje në Dukagjin/ Policia: Nuk kemi mbërritur ende në vendngjarje

27 Shtator 2023, 19:56, Kronika CNA

Vrasje dhe plagosje në Dukagjin/ Policia: Nuk kemi mbërritur ende

Policia e Shkodrës ka dalë me një njoftim zyrtar në lidhje me të shtënat me armë në malin e Shoshit, në Dukagjin.

Policia bën me dije se babë e bir me iniciale Z. G. dhe Gj. G. u qëlluan me armë zjarri nga autorë të paidentifikuar, por gjatë transportit për në spital humbi jetën shtetasi Z. G.

Blutë njoftojnë se nuk kanë mbërritur ende në vendngjarje, për shkak të largësisë dhe të terrenit të vështirë.

“Rreth orës 18:45, në sallën operative të Policisë Shkodër ka ardhur një telefonatë se në malin e Shoshit, ishin plagosur me armë zjarri shtetasit Gj. G. dhe Z. G.

Shtetasi Gj. G. po transportohet në spital, për ndihmë mjekësore, ndërsa shtetasi Z. G, ka humbur jetën disa minuta pasi ka ndodhur ngjarja. 

Shërbimet e Policisë, së bashku me grupin hetimor, janë nisur menjëherë për në vendngjarje, por për shkak të largësisë dhe të terrenit të vështirë nuk kanë mbërritur akoma.

Me mbërritjen e shërbimeve dhe grupit hetimor, në vendngjarje, dhe pasi të sqarohen rrethanat e ngjarjes, do të ketë një njoftim tjetër”, thuhet në njoftimin e policisë./ CNA





Lajmet e fundit nga