LEXO PA REKLAMA!

SHKARKO APP

U plagos nga breshëria me armë/ Ylli Brahimi i shpëtoi atentatit të një viti më parë, mik i Ervis Martinajt

22 Korrik 2022, 22:40, Kronika CNA
U plagos nga breshëria me armë/ Ylli Brahimi i shpëtoi atentatit
Fotomontazh - Ylli Brahimi

Ylli Brahimi, është personi i plagosur nga atentati i mbrëmjes së sotme në Milot, ku mbeti viktimë Klisman Preçi.

Ashtu si për Preçin, edhe për bizmesmenin Brahimi kjo nuk është hera e parë që ka rënë pre e një atentati.

Në janar të 2021-shit, teksa ka qenë duke ecur i qetë me dy persona të tjerë në rrugë, ndaj tyre është qëlluar me armë.

Ngjarja ndodhi në Milot, ndërsa kamerat e një lokali përballë kanë filmuar momentin kur një motor ka ardhur me shpejtësi dhe dy persona me skafandra dhe kapuç në kokë hapën zjarr drejt tyre.

Brahimi mbeti i plagosur, por fatmirësisht i mbijetoi atentatit. Edhe personat që e shoqëronin kanë mundur të shpëtojnë mrekullisht, edhe pse ishin shumë afër dhe drejt rrezes së plumbave të qëlluar nga njëri prej personave që ndodhej në motor.

Ata kanë treguar, se janë gjendur të papregatitur në këtë ngjarje, dhe se nuk kanë vënë re në asnjë moment para sulmit, motorin me dy agresorët.

Mediar raportojnë se Ylli Brahimi është krahu i djathtë i Ervis Martinajt, ky i fundit i shpallur në kërkim ndërkombëtar./ B.A. – CNA.al

Lajmet e fundit nga