LEXO PA REKLAMA!

SHKARKO APP

E fundit!

x

Policia me “dorë të hekurt”/ Pezullohen 267 leje qarkullimi

22 Mars 2023, 15:17, Kronika CNA

Policia me “dorë të hekurt”/ Pezullohen 267 leje

Policia rrugore ka bërë bilancin e 72 orëve të fundit.

Nga ky monitorim janë pezulluar 267 leje drejtimi, si pasojë e shpejtësisë tej normave të lejuara dhe disa të tjerë janë kapur nën efektin e alkoolit.

Njoftim i plotë policie:

Makinat inteligjente, radarët automatikë, dronët, dragerat, kamerat dhe makinat e pauniformuara, 24/7 në të gjitha akset rrugore.

Si rezultat i monitorimit intensiv gjatë 72 orëve të fundit, janë pezulluar 267 leje drejtimi, nga të cilat 221 për shpejtësi mbi normat e lejuara në akset kryesore nacionale dhe në qendrat urbane, 34 për drejtim të mjetit nën efektin e alkoolit apo në gjendje të dehur dhe 12 për qarkullim në sens të kundërt.

Janë arrestuar  në flagrancë 21 drejtues mjetesh, nga të cilët 12 për drejtim mjeti në gjendje të dehur dhe 9 për drejtim mjeti pa leje drejtimi.

Gjithashtu, duke përdorur mjetet inteligjente, janë evidentuar dhe ndëshkuar me masa administrative, pa sanksionin e pezullimit të lejes së drejtimit, 2264 drejtues mjetesh që qarkullonin me shpejtësi në qendrat e banuara, 489 drejtues për përdorim të celularit gjatë drejtimit të automjetit, 1110 drejtues mjetesh për parakalime të gabuara dhe 711 drejtues mjetesh janë ndëshkuar për mosvendosje të rripit të sigurimit.

 167 drejtues motomjetesh janë ndëshkuar për mosvendosje të kaskës mbrojtëse dhe të shenjave sinjalizuese gjatë natës./CNA

Lajmet e fundit nga