LEXO PA REKLAMA!

SHKARKO APP

E fundit!

x

Aksidenti me një viktimë në Vaun e Dejës/ Arrestohet një person

18 Qershor 2022, 17:43, Kronika CNA
Aksidenti me një viktimë në Vaun e Dejës/ Arrestohet
Foto ilustruese

Policia ka arrestuar ditën e sotme shtetasin me iniciale A.L., për një aksident të ndodhur dje rreth orës 14:45, në fshatin Rranxa të Vaut të Dejës.

Blutë bëjnë me dije se 37-vjeçari u përplas dje me zetorin, i cili si rrjedhojë është përmbysur. Nga aksidenti humbi jetën drejtuesi i zetorit me iniciale E.Rr.

Ndërkohë, shtetasi A.L akuzohet për veprat penale “Drejtimi i automjetit në mënyrë të parregullt” dhe “Shkelja e rregullave të qarkullimit rrugor”.

“Specialistët e Qarkullimit Rrugor arrestuan në flagrancë shtetasin A.L., 37 vjeç, banues në Balldre, Lezhë, për veprat penale “Drejtimi i automjetit në mënyrë të parregullt” dhe “Shkelja e rregullave të qarkullimit rrugor”.

Ky shtetas, më datë 17.06.2022, duke udhëtuar me një motoçikletë që e drejtonte pa leje drejtimi, në fshatin Rranxa, Vau i Dejës, është përplasur me një mjet bujqësor (zetor), me drejtues shtetasin E. Rr., 38 vjeç, banues në fshatin Rranxa dhe si pasojë e përplasjes mjeti bujqësor është përmbysur.

Drejtuesi i mjetit bujqësor u  dëmtua gjatë aksidentit dhe për pasojë ndërroi jetë”, thuhet në njoftimin e policisë.

Sakaq, materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.

Lajmet e fundit nga