LEXO PA REKLAMA!

SHKARKO APP

Zbardhet arsyeja e sherrit/ Pse qëlloi 7 herë me armë 38-vjeçari ndaj të riut në Elbasan

17 Qershor 2022, 21:34, Kronika CNA
Zbardhet arsyeja e sherrit/ Pse qëlloi 7 herë me armë
Foto nga vendngjarja

Zbardhet arsyeja e sherrit që ka dërguar situatën deri te të shtënat me armë të mbrëmjes së sotme në Elbasan.

Mësohet se sherri e ka zanafillën tre javë më parë. Autori i të shtënave të sotme, Ermal Matishi është konfliktuar me babain e shënjestrës, Arben Bekteshi.

Ata kanë debatuar për një parakalim të gabuar dhe teksa kanë qenë në një lokal, Matishi ka qëlluar me grusht të atin e Bekteshit, në pije e sipër.

Për këtë ngjarje, disa ditë më parë, të afërm të Bekteshit kanë rrahur Ermal Matishin. Ndërkohë, ky i fundit ka qëlluar mbrëmjen e sotme me pistoletë 7 herë drejt 30-vjeçarit, i cili fatmirësisht ka shpëtuar pa u prekur nga plumbat.

Shkakun e të shtënave të sotme e ka konfirmuar edhe policia, e cila njofton se ka ardhur si pasojë e një sherri të disa ditëve më parë.

Blutë kanë reaguar mënjeherë dhe janë vënë në ndjekje të autorit, i cili ka hedhur armën e zjarrit gjatë ndjekjes nga Policia dhe ka mundur të largohet.

Ndërkohë, forca të shumta të Policisë Elbasan, “Shqiponjat” dhe forca operacionale të DVP Elbasan kanë rrethuar zonën dhe po vijon krehja e saj, për të bërë të mundur kapjen e autorit./ B.A. – CNA.al

Lajmet e fundit nga