web counter
LEXO PA REKLAMA!

SHKARKO APP

App Store
Google Play

Të shtëna me armë në Elbasan/ Shpëton 'paq’ 30-vjeçari, policia ‘blindon’ zonën

17 Qershor 2022, 20:48, Kronika CNA
Të shtëna me armë në Elbasan/ Shpëton 'paq’
Arma e autorit

Disa të shtëna me armë janë regjistruar rreth orës 20:00 të mbrëmjes së sotme.

Mësohet se 38-vjeçari me iniciale E. M. ka qëlluar me pistoletë në drejtim të të riut A.B., 30 vjeç, i cili ishte duke qarkulluar me automjetin e tij.

Blutë bëjnë me dije se shkak është bërë një konflikt i ndodhur mes tyre disa ditë më parë.

Fatmirësisht 30-vjeçari nuk është prekur nga plumbat, ndërsa policia ka rrethuar zonën dhe është vënë në kërkim të autorit.

“Në lagjen “Skënderbeg”, në Elbasan, për shkak të një konflikti të çastit, të ndodhur disa ditë më parë, midis shtetasve E. M. dhe A. B., shtetasi E. M., 38 vjeç, banues në Elbasan, rreth orës 20:00 të mbrëmjes së sotme ka qëlluar me armë zjarri pistoletë në drejtim të shtetasit A. B., 30 vjeç, banues në Elbasan, i cili ishte duke qarkulluar me automjetin e tij.

Nga të shtënat nuk ka persona të lënduar.

Shërbimet e Policisë që ishin në patrullim kanë reaguar mënjeherë dhe janë vënë në ndjekje të autorit, i cili ka hedhur armën e zjarrit gjatë ndjekjes nga Policia dhe ka mundur të largohet.

Forca të shumta të Policisë Elbasan, “Shqiponjat” dhe forca operacionale të DVP Elbasan kanë rrethuar zonën dhe vijon krehja e saj, për të bërë të mundur kapjen e autorit”, thuhet në njoftimin e policisë.

Ndërkaq, grupi hetimor, nën drejtimin e Prokurorisë pranë Gjykatës së Rrethit Gjyqësor Elbasan, po vijon veprimet, me qëllim zbardhjen e plotë të rrethanave të ngjarjes./ B.A. – CNA.al





Lajmet e fundit nga