LEXO PA REKLAMA!

SHKARKO APP

E rëndë në Maliq/ Babai denoncon djalin të humbur, 26 vjeçari gjendet i mbytur në rezervuar

16 Qershor 2022, 17:44, Kronika CNA
E rëndë në Maliq/ Babai denoncon djalin të humbur, 26
Foto ilustruese

Ditën e sotme, Policia e Korçës raportoi se pranë tyre kishte mbërritur një denoncim nga një 67 vjeçar, i cili deklaronte se djali i tij 26 vjeç ishte larguar nga banesa.

Në një njoftim të dytë, policia bën me dije se 26 vjeçari është gjetur i mbytur në rezervuarin mbi fshatin Kolanec të Maliqit.

Viktima është shtetasi me iniciale M.Ç, ndërsa trupi i tij i pajetë është dërguar në morg, ku pritet përgjigjja e ekspertizës mjeko-ligjore për përcaktimin e shkakut të vdekjes.

“Maliq

Në vijim të informacionit të sotëm, i cili bënte fjalë për largimin nga banesa të shtetasit M. Ç., 26 vjeç, banues në fshatin Kolanec, Maliq, ju informojmë se ky shtetas u gjet i mbytur, në rezervuarin mbi fshatin Kolanec.

Trupi i pajetë u transportua në morgun e Spitalit Korçë, ku do të pritet përgjigjja e ekspertizës mjeko-ligjore për përcaktimin e shkakut të vdekjes.

Grupi hetimor po punon për sqarimin e plotë të rrethanave të ngjarjes”, njofton policia./CNA.al

Lajmet e fundit nga