web counter
LEXO PA REKLAMA!

SHKARKO APP

App Store
Google Play

Prej një viti në kërkim për vrasjen e kryer në Korçë/ Arrestohet 27 vjeçari në Tiranë

15 Qershor 2022, 15:49, Kronika CNA
Prej një viti në kërkim për vrasjen e kryer në
Foto ilustruese

Policia e Tiranës ka vënë në pranga 27 vjeçarin Lulzim Spahia , i cili ishte shpallur në kërkim rreth një vit më parë për një vrasje të kryer në Korçë.

Bëhet fjalët për vrasjen e Fridman Xhaferrajt, në qershor të vitit të shkuar. Trupi i tij u gjet i hedhur në rezervuar disa ditë më pas, ku autorët e dyshuar Kristi Bixheku dhe Lulzim Spahia kishin tentuar të fshihnin gjurmët.

Blutë përmes një njoftimi bëjnë me dije se Spahisë  iu kap edhe një sasi kanabisi në makinë.

“Gjatë kontrollit fizik, shërbimet e Policisë i kanë gjetur dhe sekuestruar një sasi lënde të dyshuar narkotike kanabis.  Ky shtetas ishte shpallur në kërkim, për veprën penale “Vrasja” kryer në bashkëpunim, pasi në bashkëpunim me shtetasin K. B., 26 vjeç, banues në Lushnjë (i arrestuar më parë), në Korçë, më datë 13.06.2021, kanë goditur me sende të forta në kokë shtetasin F. Xh., duke i shkaktuar atij vdekjen.

Gjithashtu, Prokuroria pranë Gjykatës së Rrethit Gjyqësor Durrës ka lëshuar urdhër ndalimi për 27-vjeçarin, për veprën penale “Prodhimi dhe shitja e narkotikëve”, bën me dije policia./E.K-CNA.al





Lajmet e fundit nga