web counter
LEXO PA REKLAMA!

SHKARKO APP

App Store
Google Play

Braktisi motorin për t’iu shmangur policisë/ Arrestohet 22-vjeçari me armë zjarri

14 Qershor 2022, 16:26, Kronika CNA
Braktisi motorin për t’iu shmangur policisë/ Arrestohet
Foto ilustruese

Finalizohet nga Komisariati i Policisë Malësi e Madhe, operacioni policor i koduar “Kerraj”, në sajë të të cilit është vënë në pranga një 22-vjeçar.

Pasi kanë marrë informacion se një person lëvizte me armë zjarri me vete, blutë kanë organizuar menjëherë punën për lokalizimin dhe kanë arrestuar në flagrancë shtetasin A. Rr., 22 vjeç, banues në fshatin Hot i Ri, Shkodër. 

I riu po lëvizte me armë zjarri në motoçikletë, në rrugën Gruemirë-Linaj. Kur ka vënë re që po ndiqej nga shërbimet e Policisë, 22-vjeçari ka braktisur motomjetin dhe është fshehur në një zonë me bimësi, në fshatin Kerraj. 

Pas kapjes dhe ndalimit të shtetasit A. Rr., shërbimet e Policisë, gjatë kontrollit, në afërsi të vendit ku ai ishte fshehur, kanë gjetur një armë zjarri pistoletë, një armë zjarri automatik dhe disa fishekë, të cilët u sekuestruan në cilësinë e provës materiale, së bashku me motomjetin.   

Ndërkaq, materialet iu referuan Prokurorisë pranë Gjykatës së Rrethit Gjyqesor Shkodër, për veprime të mëtejshme./ B.A. – CNA.al

Braktisi motorin për t’iu shmangur policisë/ Arrestohet
Arma dhe motori i 22-vjeçarit




Lajmet e fundit nga