web counter
LEXO PA REKLAMA!

SHKARKO APP

App Store
Google Play

E jashtëzakonshme/ Policia e Korçës kap dy persona të “rrezikshëm”

15 Qershor 2022, 15:02, Kronika CNA
E jashtëzakonshme/ Policia e Korçës kap dy persona të
Foto ilustruese

Policia e Korçës nuk di të ndalet. Arritja e radhës është e “jashtëzakonshme”.Po kështu siç po e lexoni!

Sot pas një “mega-operacioni”, Policia e Korçës ka arritur të kapë një shtetas 52 vjeçar, i cili ka kaluar kontrabandë disa ushqime, si dhe një tjetër që ka dëmtuar kabllot optikë.

Duke qenë se në këtë vend dhe në Korçë “nuk ka” krime të tjera, kjo është ajo që shqetëson më së shumti qytetarët në Korçë.

 “Specialistët e Seksionit për Hetimin e Krimit Ekonomik-Financiar në Drejtorinë Vendore të Policisë Korçë referuan materialet në Prokurori dhe filloi procedimi penal për shtetasin A. J., 52 vjeç, banues në Korçë, për veprat penale “Kontrabanda me mallra të tjera” dhe “Tregtimi dhe transportimi i mallrave që janë kontrabandë”, pasi në aksin rrugor Bilisht-Korçë, në afërsi të fshatit Dishnicë, gjatë kontrollit të ushtruar në mjetin e tij tip “Benz”, iu gjetën dhe iu sekuestruan në cilësinë e provës materiale një sasi mallrash ushqimore, për të cilat nuk kishte kryer procedurat doganore.

Specialistët për Hetimin e Krimeve në Komisariatin e Policisë Korçë referuan materialet në Prokurori dhe filloi procedimi penal në gjendje të lirë për shtetasin D. K., 38 vjeç, banues në Korçë, për veprën penale “Shkatërrimi i rrjetit elektrik”, pas kallëzimit të bërë nga shtetasi K. Z., me detyrë administrator i një subjekti që shpërndan sinjalin e internetit, i cili ka deklaruar se në fshatin Turan, Korçë, shtetasi D. K. i ka dëmtuar kabllot optikë”, thuhet ndër të tjera në postimin e policisë së Korçës./ CNA.al





Lajmet e fundit nga