web counter
LEXO PA REKLAMA!

SHKARKO APP

App Store
Google Play

E fundit!

x

Policia zbardh operacionin në Portin e Durrësit/ Si u gjet 45 kg kokainë në kontenierin me mish pule

15 Qershor 2022, 22:45, Kronika CNA
Policia zbardh operacionin në Portin e Durrësit/ Si u gjet 45 kg
Droga e sekuestruar

Policia ka dhënë detaje për operacionin që bëri të mundur kapjen e drogës në Portin e Durrësit.

Blutë bëjnë me dije se operacioni policor antidrogë, i koduar “Tranziti”, u organizua nga strukturat hetimore të Drejtorisë Vendore të Policisë Durrës, Policia Kufitare e Portit të Durrësit dhe autoritetet doganore të Portit.

Në bazë të dyshimeve të krijuara nga kjo Task Forcë dhe informacioneve që dispononte Policia Kriminale e Durrësit, është ushtruar kontroll i detajuar në një kontenier të ngarkuar me mish pule, që ishte nisur tranzit nga Brazili, për llogari të një subjekti tregtar në Maqedoninë e Veriut.

Si rezultat i kontrollit të imtësishëm të ushtruar në kontenier, në brendësi të ngarkesës me mish pule u gjetën 40 pako me lëndë të dyshuar narkotike kokainë, me peshë 45 kg e 500 gramë.

Grupi hetimor, nën drejtimin e Prokurorisë pranë Gjykatës së Rrethit Gjyqësor Durrës, vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të përfshirë në të.

Ndërkaq, materialet do t’i kalojnë Prokurorisë pranë Gjykatës së Rrethit Gjyqësor Durrës, për veprën penale “Trafikimi i lëndëve narkotike”./ B.A. – CNA.al

Policia zbardh operacionin në Portin e Durrësit/ Si u gjet 45 kg
Droga e sekuestruar




Lajmet e fundit nga