web counter
LEXO PA REKLAMA!

SHKARKO APP

App Store
Google Play

Trafik kokaine me pula/ Skema e re e shpërndarjes së drogës në Ballkan dhe Europë

16 Qershor 2022, 09:13, Kronika CNA
Trafik kokaine me pula/ Skema e re e shpërndarjes së drogës
Foto ilustruese

Një ditë më parë në Portin e Durrësit në një kontenier të ngarkuar me mish pule, u gjetën 40 pako me lëndë të dyshuar narkotike kokainë, me peshë 45 kg e 500 gramë.

Kontejneri ishte nisur tranzit nga Brazili, për llogari të një subjekti tregtar në Maqedoninë e Veriut, ndërsa mishi i pulës ishte porositur nga një biznes në Kosovë.

Policia sot ka njoftuar se ka kryer arrestime. Në pranga është vënë një biznesmen nga Prishtina dhe një agjent doganor nga Tirana.

Përtej këtyre arrestimeve, që  nuk dihet ende nëse janë pronarët e kokakinës, njerëzit që i kanë porositur apo njerëzit që kanë lidhje me trafikantët, grupet kriminale, duket kanë nisur të përdorin skema të ndryshme, për qarkullimin e drogës nga vendet latine, në Europë dhe Ballkan.

Porti i Durrësit, porti më i madh në Ballkan, po përdoret si pikë kyçe, për trafikimin e drogës.

Pasi nuk është hera e parë që kapët drogë në sasi të mëdha në Portin e Durrësit, shkruan CNA.al.

Dje kokakina, ishte në një kontenier me pula, me 17 maj, 59 kg kokainë u kapën në një kontenier me qymyr që vinte nga Ekuadori, ndërsa më herët në kontenierë me banane.

Bananet duket se janë dekonspiruar për trafikantët, gjithashtu edhe anijet me mallra si qymyr, dhe tashmë drogën po zgjedhin ta transportojnë me pula.

Në këto raste ngrihen dyshime, mos janë kaluar sasi më të mëdha kokaine dhe janë kapur vetëm disa kilogramë për të thënë se Porti i Durrësit është nën kontroll nga autoritetet.

Ndryshe, kapja e kësaj sasie kokaine, është si paralajmërues për vrasje, dikush duhet të japë llogari që nuk e kreu porosinë deri në fund./ CNA.al





Lajmet e fundit nga