web counter
LEXO PA REKLAMA!

SHKARKO APP

App Store
Google Play

119 kg kokainë në kontejnerin me banane/ Apeli rikthen në qeli menaxherin e kompanisë Zico

15 Mars 2022, 16:06, Kronika CNA

Marson Murataj, menaxheri i ?Zico SHA?, kompanisë së bananeve në të cilën u gjetën 119 kg kokainë pak javë më parë ka qëndruar më pak se një muaj jashtë qelisë.

Me vendim të Gjykatës së Shkallës së parë në 5 shkurt 2022, Murataj e la qelinë për të qëndruar në arrest shtëpie ndërsa pas ankimimit të prokurorisë, Apeli sot e ka rikthyer në qeli.

Ndërkohë dy personat e tjerë të arrestuar, Gëzim Kalaja dhe shoferi Hasan Salihu, janë në qeli.

Si u kap kokaina?

119 kg kokainë u kap mbrëmjen e 30 dhjetorit 2021 në një magazinë në zonën e Vaqarrit.

Kamioni me 119 kg kokainë në arkat me banane doli i pastër në skanerin e Durrësit dhe kjo bëri që dy punonjës të portit, njëri agjent i AKU-së, Bujar Qurku dhe tjetri doganier, Julian Merhori të arrestohen për mosndjekjen e procedurave të kontrollit të kontenierit me banane dhe janë lënë në ‘arrest shtëpie’.

Trifon Murataj, pronari i kompanisë së bananeve Zico Sha, 1 ditë me vonesë ka njoftuar Gledis Nanon në telefon dhe policia ka shkuar në magazinat e firmës dhe ka zbuluar drogën./E.K-CNA.al





Lajmet e fundit nga