web counter
LEXO PA REKLAMA!

SHKARKO APP

App Store
Google Play

137 kg kokainë në Portin e Durrësit/ GJKKO jep vendimin për dy të akuzuarit

3 Dhjetor 2021, 13:25, Kronika CNA

Gjykata e Posaçme ka dhënë sot vendimin, për dy personat e akuzuar, në lidhje me 137 kg kokainë që u kap në portin e Durrësit dy vite më parë.

Altin Myslihaka është dënuar nga GJKKO me 15 vjet burg, por nga gjykimi shkurtuar i bie 10 vjet burgim. Ndërsa 12.6 vite burg u dhanë për Adrian Begën, që nga gjykimi shkurtuar 8.4 vjet burgim.

Kujtojmë këtu se kokaina e kapur në Durrës vinte nga Greqia.

Vijon të jetë ende në kërkim për këtë çështje Gentjan Maldini dhe për këtë shkak është pezulluar për një vit procesi ndaj tij.

Malindi është konsideruar nga hetimet si personi që ka dalë garant për të marrë drogën nga kontejneri e më pas për ta dërguar në destinacionin e përcaktuar nga grupet kriminale. Gjatë transportit Malindi, ka zbuluar se në pakot ku mendonte se kishte kokainë ishte futur oriz dhe lokalizues satelitor, duke e hedhur çantën menjëherë nga automjeti që ishte në vëzhgim nga Forcat Operacionale Speciale.

Prokuroria ka dyshime se të implikuar në trafikimin e 137 kg kokainë janë disa anëtarë të tjetër të grupeve kriminale që veprojnë brenda territorit Shqiptar kryesisht në Elbasan, Fier e Vlorë.





Lajmet e fundit nga