web counter
LEXO PA REKLAMA!

SHKARKO APP

App Store
Google Play

Fëmijët në timon, burim i aksidenteve me pasoja të rënda

2 Dhjetor 2021, 14:48, Kronika CNA

Fëmijët në timon po kthehen në një shqetësim serioz. Nëntë aksidente me pasoja të rënda gjatë vitit 2021 kanë ndodhur si pasojë e drejtimit të makinave nga fëmijët.

?1,604 të mitur të dyshuar si autor të veprave penale. Numri më i lartë i të miturve të dyshuar si autor paraqitet në tendencat kriminale me rrezikshmëri të ulët shoqërore si vjedhje 40%, shkelja e rregullave të qarkullimit rrugor 19.4%?, tha drejtori i Policisë së Shtetit, Gledis Nano.

Shqetësimi i ngritur një ditë më parë nga kryepolici, Gledis Nano për përfshirjen e të miturve në krime apo aksidente,  është kthyer në problem për uniformat blu.

Euroneës Albania ka mësuar nga policia rrugore se vetëm në vitin 2021, 9 të mitur ishin autor të aksidenteve me pasoja të rënda.

Sipas policisë, fëmijët nën 15 vjecc janë kapur duke lëvizur me automjete ndonëse pa leje drejtimi.

Burime nga policia bëjnë me dije se numri i të miturve që përdorin automjete është shumë herë më i lartë pavarësisht se nuk konstatohen.

Përfshirja e të miturve në këtë kategori veprash penale sipas ekspertëve vjen dhe për shkak të lehtësirave që i ofron ligji.

Bazuar në Kodin e drejtësisë penale për të mitur, përfshirja e tyre në krime parashikon fillimisht masa: si këshillim për të miturin dhe familjen apo paralajmërim me gojë ose shkrim.

Vetëm në raste përsëritje të veprës penale ndaj tyre merret masa e arrestit./euronews





Lajmet e fundit nga