web counter
LEXO PA REKLAMA!

SHKARKO APP

App Store
Google Play

Shpërdoruan detyrën/ Arrestohen katër punonjës policie në Velipojë

17 Qershor 2022, 15:51, Kronika CNA
Shpërdoruan detyrën/ Arrestohen katër punonjës policie
Foto ilustruese

Ndalohen 4 punonjës policie të komisariatit të Velipojës.

Agjencia e Mbikëqyrjes Policore njofton se 4 punonjësit e policisë akuzohet se kanë kryer veprën penale “Shpërdorim detyre”.

Pas hetimeve me metoda speciale, u arrit që në një kohë të shkurtër të dokumentohej veprimtaria e kundraligjshme e drejtuesve të Stacionit të Policisë Velipojë.

AMP ka ekzekutuar urdhrat e ndalimit për punonjësit e policisë:

N/Komisar Z. S., 40 vjeç, me detyrë Shef i Stacionit të Policisë Velipojë;

N/Komisar A. H., 45 vjeç, me detyrë Specialist për Hetimin e Krimeve në Stacionin e Policisë Velipojë;

Inspektor E. L., 34 vjeç, me detyrë Ndihmës Specialist i Policimit në Komunitet, në Stacionin e Policisë Velipojë;

Inspektor H. B., 53 vjeç, me detyrë Ndihmës Specialist i Policimit në Komunitet, në Stacionin e Policisë Velipojë.

Me veprimet dhe mosveprimet e tyre, si persona me fushë përgjegjësie direkte, këta punonjës dyshohet se kanë favorizuar kultivimin e sasive të konsiderueshme të bimëve narkotike në zona që kanë pasur mundësi të mbikëqyren e kontrollohen në kuadër edhe të Planit të Veprimit dhe Planit Operacional të DVP-së.

Ndërkaq, materialet proceduriale i kaluan për kompetencë Prokurorisë së Rrethit Gjyqësor Shkodër./ B.A. – CNA.al





Lajmet e fundit nga